七公主｜黃翠如演技再遭非議成「轉台關鍵」 高海寧大躍進被讚好戲成強烈對比

現年39歲嘅黃翠如2012年轉投TVB，同年7月拍劇，拍旅遊節目而為人所認識嘅佢喺電視劇上嘅發展並唔順利，喺多齣劇集嘅演出一直備受批評；其中《幕後玩家》 （2016年）之演技被網民cap低──即使佢演繹多種情緒時都係得一種表情，大彈演技差劣！翠如為此停止拍劇兩年，並觀看大量電影以改善演技。

{{hket:inline-image name="maxresdefault.jpg"}}{{/hket:inline-image}}

2020年，黃翠如在《那些我愛過的人》中飾演喪夫兼要獨力照顧兩個小朋友的媽媽「方樂汶（Laura）」一角，觀眾指演技開始有改善。近日播出嘅劇集《七公主》，翠如「越級挑戰」飾演大律師兼大家姐「顧靈珊（Alison）」，角色性格硬朗狠辣，形象專業又予人冷冰冰嘅感覺，網民再次一面倒批評其演技，認為佢駕馭唔到呢個角色，尤其是打官司戲份，批評佢只懂瞪大對眼同用氣聲講對白，浮誇造作、懶音多；指佢全程都係得「黑口黑面」一個表情，網民喪插表示︰「頂唔順黃翠如把聲，好造作，over曬」、「以為擘大對眼冇表情講對白就係cool」、「一見到佢就想轉台」、「feel唔到黃翠如想表現嘅霸氣，只係黑口黑面」、「黃翠如演得太用力扮cool，面癱咁」、「黃翠如不如都係拍番旅遊節目啦」等等。

{{hket:inline-image name="1679e2d2a7c445e6bb25c566fec2e5ae.jpeg"}}{{/hket:inline-image}}

其實黃翠如為咗演活呢個角色下咗唔少苦功，刻意減10幾磅，為嘅都係想令自己畀到人一種「刻薄」嘅感覺，至於有冇用錯力就真係見仁見智，翠如曾經喺社交平台分享:

「那時候的顧靈珊，

比平常的我輕了10多磅。

減重，

是因為想整個人有一種刻薄的感覺，

同時在拍攝的幾個月，

也是這帶一點病態的體重，

給顧靈珊一種瀕臨邊緣的意識，

享受踩鋼線上的孤風，

也沒有向下的退路，

命運，

早已為她選擇好。

諷刺的人生，

發生在她身上，

同時也發生在很多人的身上。」

相反，早黃翠如兩年拍劇嘅高海寧（高 Ling）嘅表現就得到觀眾認同，大讚佢演技有好大進步！選美出身嘅高Ling幾年前決定封胸唔再刻意露肉，不過收起最煞食武器，亦要捱得過低潮。據知高Ling唔再賣弄身材初期都受盡冷眼，被人質疑佢唔賣身材就冇睇頭，工作量都少咗；但Ling好努力用心揣摩每個角色，希望演技受到肯定，近年佢開始得到認同，多咗好多演出機會！

高海寧喺《七公主》中演黃翠如妹妹，係貨van司機，高Ling為呢個粗魯角色將頭髮剪得更短、紮胸上陣。高Ling好友曾透露佢以前好貪靚，唔鍾意演醜角，但近年開咗竅，覺得最緊要角色有發揮。《七公主》監製同高Ling講角色要好麻甩，叫佢剪男仔頭，又提議佢紮胸以免出身材太突出唔夠man，高Ling都一口答應！高Ling曾經喺訪問被問到會否紮胸拍古裝片，當時佢話怕紮到個胸變形拒絕。而家嘅高Ling為事業犧牲，相信觀眾對佢嘅讚賞係最大嘅回報！