【聲明】港生活網站並無進行電話推廣活動

否認逼婚傳聞 李佳芯︰分手唔會得一個原因

發佈時間: 2021/08/25

李佳芯(Ali)與陳炳銓多年來愛得低調甜蜜,可惜兩人敵不過「七年之癢」,今年初分手收場。早前有傳Ali逼婚不遂致兩人分手,亦有傳回復單身的Ali獲富豪力追而搬入豪宅;不過Ali昨日出席活動時,一一否認傳聞,直認分手不是單一原因造成,又強調自己仍不是業主。

李佳芯、馮盈盈、陸永等昨日到荃灣宣傳劇集《智能愛人》,由於Ali已很久沒有出席商場的宣傳活動,因此獲大批粉絲到場支持。Ali受訪時不忘大讚fans乖︰「我不時都會同fans一齊做義工,曾經同佢哋一齊探訪視障、聽障同輕度弱智人士。(考慮成立慈善基金?)有機會嘅話當然希望,如果我可以憑個人嘅影響力去幫助更多人係好事。」

另外,最近有報道指Ali因逼婚不遂,今年初與陳炳銓七年情斷,她解釋道︰「其實嗰次係出席一個美容代言活動,無諗到最後變咗以感情為主嘅封面。嗰啲內容都唔係我想要嘅嘢,一直以嚟感情事我唔會講太多,總之唔係因為結唔成婚而分手,可能個標題令到件事誇大咗;(分手)一定唔會得一個原因,總之我同佢嘅事我哋自己知囉。(之後再拍拖,你會唔會主動提出結婚?)其實呢個年代最重要係感覺啱,無話女仔就唔可以求婚,如果有對象、為將來好,邊個提出都無問題;如果大家有心行落去,呢個話題點都會講,最緊要係大家有共識,幾時達成就要講緣份。」

努力儲錢置業

早前亦有傳Ali獲富豪力追,遷入價值三千萬元的豪宅,她再解畫自己仍未做業主︰「其實我要求唔係好高,夠用夠住就得㗎啦,可能因為有幾次喺嗰度出入,大家就以為我住嗰度。多謝大家關心,為咗將來我會努力儲錢,令自己同屋企人有更好嘅生活;我都想買樓,但係搵錢真係好辛苦,要睇定啲先。」

採訪︰Pauline

美術︰梁政敏

否認逼婚傳聞 李佳芯︰分手唔會得一個原因

Ali昨日獲大批粉絲到場支持。

否認逼婚傳聞 李佳芯︰分手唔會得一個原因

陳炳銓(資料圖片)