李思捷主持及監製嘅全新遊戲節目《思家大戰》將於8月29日（星期日）晚9:30於翡翠台首播，節目經由風靡全球45年嘅趣味民調遊戲節目《Family Feud》正式授權製作。節目第一集嘉賓有林盛斌、朱凱婷，二人帶同家人及朋友亮相節目，合力爭奪每集接近五萬元獎金獎品！
{{hket:inline-image name="eae7d554b5df006da6a1e4fd2c6ff7bb.jpg"}}{{/hket:inline-image}}
製作組會事先準備一連串「問題」，然後抽樣同100名市民做訪問，並根據民調票數排上排行榜，只有1票嘅「答案」因欠代表性會「被消失」。參與遊戲的嘉賓需搶答估哪個「答案」嘅排行最高。由於遊戲過程係隨機抽取樣本，故歸納出嚟嘅民調答案經常「不按牌章出牌」，參與遊戲嘅嘉賓即使擁有非凡智力，都未必可以勝出！
{{hket:inline-image name="b455d7c6ce2736c5b4d9f53ae906f020.jpg"}}{{/hket:inline-image}}
第一集遊戲過程峰迴路轉，原本一直遙遙領先嘅林盛斌隊「林家園」，被朱凱婷隊後來居上。另外，「生活題」方面亦相當貼地啜核。而引起現場最大迴響的題目，相信係「講出一個李思捷最乞人憎的地方」，縱然題目「主角」李思捷近在眼前，但林盛斌、朱凱婷依然淡定地力數思捷缺點；朱凱婷冷面指李思捷衰「鹹濕」，林盛斌則更誇張，以「寸！扮型！扮勁！成日黑人面！態度差！」5宗罪力數對方。李思捷哭笑不得並向林媽媽「投訴」：「你個仔仲寸呀！」
其實呢啲都只係節目效果，李思捷早前被網民票選為「10大最乞人憎TVB藝人」第3名，並指「李思捷最好笑嘅地方，就係全世界得佢一個以為自己好好笑」，好友林盛斌力撐表示：「其實我就覺得百貨撞百客嘅。可能啲人覺得佢唔夠搞笑，而又有啲觀眾覺得佢好得意，係會好兩極化，變咗有啲人會鍾意，亦有啲人會唔鍾意。」佢就覺得李思捷份人幾搞笑！
- {{hket:inline-image name="5cff4021-09e9-4750-ac07-612590b22182_600.jpg"}}{{/hket:inline-image}}
- {{hket:inline-image name="03.JPG"}}{{/hket:inline-image}}
- {{hket:inline-image name="8e17f36547d9ca419fe7b528cc319678.jpg"}}{{/hket:inline-image}}
- {{hket:inline-image name="06.JPG"}}{{/hket:inline-image}}
- {{hket:inline-image name="08.JPG"}}{{/hket:inline-image}}
- {{hket:inline-image name="09.jpeg"}}{{/hket:inline-image}}
- {{hket:inline-image name="10.JPG"}}{{/hket:inline-image}}
- {{hket:inline-image name="12.JPG"}}{{/hket:inline-image}}
- {{hket:inline-image name="13.jpeg"}}{{/hket:inline-image}}
- {{hket:inline-image name="d2f3dcb6bae4286a9ee78cf7138e5792.jpg"}}{{/hket:inline-image}}
- {{hket:inline-image name="c7d61e6ad03fd0270f1f19a0749d0f1b.jpg"}}{{/hket:inline-image}}
其實李思捷、林盛斌淵源甚深，2013年播出前者嘅《玩嘢王》，為了整蠱林盛斌而安排佢去做婚宴主持。婚禮開始「事故」頻生，包括成長片段「斷片」、結婚蛋糕倒塌、新娘突然發脾氣等，林盛斌都能化解！後來有位長氣姑媽馬拉松式講感受，李思捷就扮飲醉出場，除了「強吻」姑媽之外，更大唱分手歌《愛在深秋》……直到新娘舊情人踩場、有人暈倒，當時林盛斌開始臉有難色，雖然無奈，都扭盡六壬解決問題。
林盛斌最後得知被整蠱都有少少黑面，其執生功力獲外界大讚，帶摯佢爆紅一年賺2,000萬，所以李思捷變相係令大家發現林盛斌呢一粒滄海遺珠。
同場加映： 藝員訓練班│馬浚偉首任校長著重學員操守品德 「尊重行業 唔好以為自己係明星」