兩次婚姻失敗│恬妞憶離婚自覺丟架離開娘家 返港被的士司機一席話感動爆喊

久未露面的恬妞近日接受香港電台節目《守下留情》訪問，與主持人劉偉恒和梁禮勤談到由台灣來港拍戲的經歷。63歲的恬妞由童星入行，藝名恬妞由媽媽改，代表斯文、文靜的可愛小妹妹。她表示：「喺台灣我5歲就開始拍劇，10歲開始拍戲，幼稚園開始就自給自足賺學費，所以冇乜童年。不過正式踏入娛樂圈第一部電影係邵氏，當時家姐恬妮喺香港拍戲，我嚟探班，有人邀請我去演《射鵰英雄傳》。」

萬梓良賀囝囝18歲生日感觸落淚 大千吻謝親恩 眼鏡Look似足坤哥【下一頁】

{{hket:inline-image name="225250251_4510525122299013_7520009812104898693_n.jpg"}}{{/hket:inline-image}}

{{hket:inline-image name="2b2b0bd48616408c78f6ebadb5c94759.jpg"}}{{/hket:inline-image}}

恬妞直言從小熱愛表演，父母每次一要求，她都樂意在親戚朋友面前唱歌跳舞，她十幾歲入行，20歲已經憑《蒂蒂日記》獲得多個電影大獎。恬妞多年來在中、港、台三地發展，但她對香港有種情意結，「香港對我有種講唔出嘅感激，香港觀眾好鍾意我，雖然我好少返香港，我講起都想喊……」恬妞突然在咪前哽咽，一度語塞說不出話，情緒冷靜過後才續說：「我唔明點解離開大家咁多年，我坐的士、巴士或者去買嘢，個個都戴住口罩，我出聲：『唔該司機……』，大家就認出我係恬妞，仲叫我快啲返香港拍戲，真係好感動。」她表示對香港有種形容不了的情懷，所以只要有合適的劇本，她都樂意來港拍攝，「香港人對我真係好好，唔知點解大家對我咁好，但我廣東話依然講得唔好。」

恬妞笑言自己真正開始學廣東話是因為《他來自江湖》，當年因離婚（與印尼華僑造紙廠商人葉聰豪婚後才得悉對方已有家室，後離婚）後不知何去何從，在好友介紹下認識曾志偉求工作機會。當時開拍《我愛太空人》，產後的她火速用兩星期減磅，並剪去長髮，她的決心獲曾志偉欣賞，最終決定在戲中用她。問到為何沒有選擇回台灣發展？恬妞說：「當時我離咗婚，唔知點樣面對，太多媒體去報道，係我呢一世人最冇面嘅一段時間。因為我個人好傳統，覺得女人結婚應該一世，當時唔識得面對，所以離開台灣。」她因《我》認識到萬梓良，後來對方引薦她加入無綫拍攝《他來自江湖》，成就經典劇集。「其實我入行咁多年，最鍾意兩個作品，就係《他來自江湖》同《少年英雄方世玉》，至今已經拍唔番。《他》劇入面好多好演員，全部人都係顛峰狀態，我演余姣，真真正正要學廣東話，真係好痛苦！」

【聽阿女的話】朱宇豐事業有成為母遮風擋雨 恬妞苦盡甘來:囡囡係我唯一驕傲【下一頁】

恬妞坦言後來一度遇上事業的樽頸位，一心打算放棄幕前的工作，專心陪伴女兒成長，在加拿大生活兩年後，竟獲邀參演《少年英雄方世玉》。她表示起初是拒絕的，因為自己年紀只是大張衞健（Dicky）幾年，接受不到當他的媽媽，「後來最終答應去拍，第一日開機我已經喊到停唔到，想退錢走，因為Dicky啲廣東話好似機關槍咁快，點接？我話唔拍賠錢，因為太大挫敗感，話晒（自己）都係一個老演員，但不斷NG，好大打擊。後來Dicky主動鼓勵我，話一齊好好完成呢套戲，我好多謝佢，係佢令我鹹魚翻生。」她認為Dicky對工作要求嚴謹，《少》的成功，他的功勞佔一半，因他每場都會臨時加戲，為每位演員重新度橋，絕對是無私的奉獻；如今兩人雖然不常見面，但每逢節日來電問候時對方總是稱呼恬妞為「阿媽」。

同場加映：劍擊童星│吳諾弘興奮出活動感激獲平反高度 與女神林明禎互動唔怕女友呷醋

{{hket:ul-video id="3990"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉