被馮允謙「抽水」 陳卓賢批准任摸胸肌

馮允謙（Jay）和人氣男團MIRROR成員陳卓賢（Ian）合作開騷，前晚假九展Star Hall舉行尾場音樂會。一向不擅長說話搞氣氛的兩子，在騷上卻有不少搞笑位，Jay更不時向Ian「抽水」，撫摸其心口和腹肌，Ian笑指Jay獲「通行證」任摸，相信讓不少「Hellosss」（Ian粉絲）羨慕。

馮允謙和陳卓賢前晚舉行《「我是現場」音樂會002》尾場，獲林奕匡、MIRROR隊友江𤒹生（AK）等現身撑場。Jay和Ian在台上相當有默契，Jay笑稱這段時間每日都見Ian，之後兩子又互派心心，十分「甜蜜」。繼首場Jay瘋狂「示愛」Ian後，前晚Jay更撫摸Ian的心口和腹肌，Jay更大讚Ian的腹肌結實，讓Ian不禁害羞說︰「你非禮我呀！」

見對方多過見女友

騷後兩人一同受訪，談到Ian粉絲眾多，問Jay可有壓力？他說︰「無乜壓力，好enjoy個台，無論一個人定係幾千人都係咁表演。Ian啲fans好cute，所以頭先我都趁機會叫佢哋大叫我個名。」這是Jay首個音樂會，卻要與Ian瓜分一半，Jay大方表示︰「都一樣咁開心，今次仲要同Ian一齊，我哋係朋友，一望到佢對眼就會安心，唔記得歌詞嘅時候，望佢就會有安全感。」

問Ian被Jay摸心口，以致入不到歌？Ian笑言︰「玩啫。（被Jay狂抽水？）佢有呢個通行證任摸。」說罷Jay又快手摸多次，Ian表示︰「都係喺舞台上，佢私下唔會咁玩。（會令粉絲妒忌？）應該唔會，大家都睇在Jay份上。」Jay又謂開騷前一星期每天都對着Ian，大家應該很羨慕，問Jay是否見Ian多過女友？Jay指女友不在香港，Ian即笑說︰「直情多過見自己阿媽。」

採訪︰Pauline

美術︰梁政敏