一吻泯恩仇｜Edan認向姜濤舉中指係不當行為 IG絕密片段力證兄弟情冇受影響

男團MIRROR人氣爆燈，一舉一動備受全城關注，日前成員Edan呂爵安向姜濤舉中指的片段流出，見到姜濤只是默默承受，疑似隊中存在欺凌事件。昨晚（26日）眾人出席手機品牌活動，見Edan和姜濤有講有笑，並無異樣，以行動來粉碎不和傳聞；事後更在IG上載姜濤親吻Edan的片段，Edan寫上「嚇死人咩」，而姜濤則笑言「到我欺凌你」，可謂「一吻泯恩仇」，傳聞無影響他們之間的兄弟情。

{{hket:inline-image name="08271010.jpg"}}{{/hket:inline-image}}

{{hket:inline-image name="08271003.jpg"}}{{/hket:inline-image}}

力圖打排球│肥仔@ERROR下體慘食波餅向Edan@MIRROR報仇 謝影雪鄧俊文為Jer大打出手【下一頁】

ViuTV今年6月播出的《調教你MIRROR》，請來梁祖堯以導師身分解決MIRROR內部矛盾問題，令成員正面成長及更加團結，能夠長遠發展下去。想不到昨日有段Edan向姜濤舉中指粗口手勢的片段流出，疑似成員之間仍存在問題，傳出「人氣王」姜濤其實一直被欺凌云云。幸晚上眾人出席手機活動，兩位當事人以行動粉碎不和，阻止事件繼續發酵下去，姜濤受訪時還一度想谷眼淚扮可憐，可惜他忍不到笑了出來，並聲稱事件未有影響兄弟情。

Edan話：「對於畀人話我欺凌，我都估唔到，因為多數我畀人（欺凌）……其實嗰個（舉中指）唔係一個正確行為嘅手勢，但係有時男仔玩得太放就會咁做，當時我工作緊，冇留意到有部cam影住……我係唔啱。相信大家有留意開，我同姜濤其實係好friend嘅！」同時自爆經常被隊友話腳短、口臭、爆牙又哨牙，「我冇所謂，知道大家係玩，想開心……我日後工作上會多啲注意呢啲行為。」

姜濤夠膽焫焫焫焫著Anson Lo 教主被上載崩壞照：想開戰？【下一頁】

姜濤扮喊後笑說：「其實唔關兄弟事，哈哈……真係唔關事，小題大做咗，因為平時男仔之間成日開呢啲玩笑，我哋有時喺鏡頭前唔識得收放，呢一點花姐（經理人）由我哋出道時提醒到而家！真心不和？我哋反而唔會夠膽咁做，唔會喺你面前咁做。」隊長Lokman亦幫口解釋：「通常人身攻擊、身體攻擊，都係好朋友先會做。」

（↓點擊放大睇圖片↓）

此外，Edan和姜濤活動後在IG分享絕密片段作反擊，鏡頭見到姜濤在酒店房間自拍，然後行到Edan身邊突襲，一下子就錫落對方面珠！令Edan露出天然呆神情。Edan在片段中寫上「嚇死人咩」，而姜濤轉發時就加上「到我欺凌你」，可見兩兄弟感情好到不得了，「中指手勢事件」只是他們在開玩笑罷了！

撰文：梁榮達

同場加映：藝員訓練班│馬浚偉首任校長著重學員操守品德 「尊重行業 唔好以為自己係明星」

{{hket:ul-video id="3994"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】