代溝關注組｜游嘉欣自稱「A0老處」被肥媽質疑 節目字幕錯漏百出 「代溝」竟變「代購」

無綫清談節目《代溝關注組》昨日（26日）首播，由區永權、張秀文做主持。節目請來李家鼎、肥媽及謝雪心做「長輩群組」代表，年齡總和有210歲；而「後輩群組」的代表有游嘉欣、蔡嘉欣、林正峰、徐文浩、吳卓衡，加埋124歲，相差86年。大家在節目中探討兩代代溝問題，今集就大談兩代人的拍拖模式、用語等。首集節目雖然只長30分鐘，但字幕已出現不少錯字，如頭1分20秒的字幕，錯將「代溝」寫成「代購」，唔通最近big big shop做代購做得太多？

{{hket:inline-image name="tvb.png"}}{{/hket:inline-image}}

兩代的代表在節目中交流，到「年代PK戰」環節時，21歲的游嘉欣問長輩群組知唔知潮語「A0」的意思，「A即係available，數次代表戀愛次數……」肥媽就話：「你冇可能冇拍過拖，你咁開放！」游嘉欣回答：「但我就係你哋口中廿幾歲嘅老處女。」肥媽霸氣表示：「你未拍過拖唔代表你係處女。我哋講嘅老處女，真係處女，你係假處女。你話你自己available，但仲係virgin（處女），不如改名叫AV啦！」火花十足呀！

之後長輩群組反向後輩群組發問，分別問佢哋知唔知「十月芥菜」、「拋生藕」及「五枝旗杆」的意思，一眾後生仔都一頭霧水。其中心姐問到有關「五枝旗杆」的意思時，畫面中同時出現「五支旗桿」及「五枝旗竿」兩組詞，然而「旗杆」的「杆」分別錯打為「桿」及「竿」。另外，畫面亦突然出現簡體字，反映後製在製作字幕時似乎不夠謹慎。

其實除了字幕錯字外，myTV SUPER中的節目演員表亦出現錯處。在myTV SUPER《代溝關注組》的節目簡介中顯示，演員有：「區永權、張秀文、Barry、Sammi Cheung、Stephanie Ng、Albert Au」，成6個人咁多。但其實主持只得區永權同張秀文，Sammi Cheung及Albert Au是兩人的英文名，名字出現了兩次。

{{hket:inline-image name="tvb5.png"}}{{/hket:inline-image}}

肥媽自爆屋企差啲火燭開唔到直播 最後化險為夷：覺得老公有保佑我【下一頁】

同場加映：劍擊童星│吳諾弘興奮出活動感激獲平反高度 與女神林明禎互動唔怕女友呷醋

{{hket:ul-video id="3990"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】