余文樂表哥｜陳子豐拍劇6年終於有人識 潮州人思想 望囝囝傳宗接代

余文樂表哥陳子豐，過去六年來在ViuTV拍劇，今年終憑一齣《大叔的愛》飾演「出櫃男Darren」，角色原本是人夫，為著阿牧作為阿牧（Anson Lo盧翰霆飾）「由直變攣」，犧牲妻兒去再尋真愛。劇集播出後除了「牧田CP」Anson Lo、呂爵安（Edan）和「KK」黃德斌人氣爆燈外，就連陳子豐一樣受惠，令不少觀眾認識他。

{{hket:inline-image name="81.jpg"}}{{/hket:inline-image}}

黃婉曼邀請「大叔」陳子豐擔任直播嘉賓。（圖片：大會提供）

{{hket:inline-image name="34.jpg"}}{{/hket:inline-image}}

陳子豐飾演Darren和KK在最後都未能與心愛的人在一起。（網上截圖）

黃澤鋒2歲女兒小黃妃愛上姜濤？養家唔等如做大爺 照幫手做家務 【下一頁】

日前，陳子豐接受黃婉曼家品購物平台「安品生活」直播訪問，提到港版《大叔的愛》近日在日本首播備受關注，子豐坦言該劇令他知名度、收入大增，他說：「呢排搵多咗錢，多咗啲廣告，我IG都突然多咗人追蹤！藝人就係希望咁，多謝觀眾咁鍾意我。」其妻亦被「田田」Edan迷倒，大爆太太是「爵屎」：「佢甚至有自肥計劃，叫我邀請Edan同Anson Lo佢哋嚟屋企聚會！」子豐與太太訂立「規矩」，家中若擺放MIRROR成員海報，必須有他同樣大細的相片放在旁邊。

子豐回想未加入ViuTV時，工作量少收入不穩，「嗰時好窮，冇工開時我試過兼職賣保險，客人多數係身邊朋友同屋企人介紹，佢哋買晒就冇其他客……我怕醜唔夠主動去接觸陌生人，最終因為克服唔到，結果生意差；有一日著住件西裝行經一個商場，望住鏡中自己，好唔自在，做咗一年就冇做。」

已為人父的子豐，囝囝今年2歲，把握機會努力工作讓妻兒得到最好生活是他的目標，「我想將最好嘅畀個仔，暫時都未諗過追個女，怕生多個會分薄咗畀囝囝最好嘅嘢。」劇中他是出櫃男，現實中可有想過將來囝囝性向成疑的問題？他答道：「有呀！我希望佢公開前畀啲hint，滲少少出嚟畀我知，唔好一嚟就帶個男朋友返嚟畀我surprise！我唔想變晴天霹靂爸爸！」子豐是潮州人自認好傳統，「得一個仔，好希望佢可以傳宗接代，而家就同囝囝多啲傾偈，建立朋友關係，怕佢到反叛期乜嘢都唔同我講。」子豐囝囝大過天，會接受和尊重他將來一切選擇，「所有嘢都有商有量。」

撰文：衛紫敏

同場加映：劍擊童星│吳諾弘興奮出活動感激獲平反高度 與女神林明禎互動唔怕女友呷醋

{{hket:ul-video id="3990"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

學霸港姐︳大熱王嘉慧關楓馨擁有碩士學位 獸醫梁菁琳雙重一級榮譽畢業 【下一頁】