MIRROR內戰 孖Stanley變身劍擊花美男 Jeremy被誤拮下半身忍痛做劍神

人氣男團MIRROR成員邱士縉（Stanley）與李駿傑（Jeremy）合作的YouTube頻道，最近找來香港劍擊運動員崔浩然教二人玩劍擊。兩位鏡仔對打時，Stanley揮劍竟刺中「小Jeremy」，Jeremy苦笑遮掩重要部位道︰「黐綫㗎拮呢度！」不過，最後Jeremy竟然獲勝，兼獲崔浩然讚打得夠猛！

Stanley與Jeremy今年五月完成MIRROR演唱會後，合作開設YouTube頻道「巨龍與豬仔」，拍片與粉絲分享生活。前日，他們乘奧運劍擊熱潮，上載「天才劍神爭霸戰」短片，邀得俊俏面孔不輸鏡仔的香港劍擊手崔浩然指導學劍擊。Stanley與Jeremy以劍擊花美男造型上陣，面對高大健碩的Stanley，瘦削的Jeremy自誇「182劍神」，表現有板有眼，雙方互有攻守，第一回合由Jeremy勝出。

李駿傑獲讚有天份

對戰期間，Stanley竟然意外拮中「小豬仔」，Jeremy摸摸重要部位後忍不住怒吼︰「佢個目標係邊度呀？要放慢鏡，黐綫㗎拮呢度！」認真可憐。不過愈戰愈勇的Jeremy不但未受影響，更刻意扮甩鞋帶叫暫停搞氣氛，最終成功勝出成為「黃埔區劍擊冠軍」，他自豪稱︰「唔好意思，兩輪都係我贏！」

及後，Jeremy越級挑戰崔浩然，Stanley客串扮馬評家旁述。因崔浩然明顯「放水」遷就，Jeremy得分後稱︰「教練唔好讓我！」結果崔浩然不再留手順利勝出，而Jeremy則打到腳軟跪低。事後Stanley說︰「睇完張家朗贏奧運金牌，睇就好輕鬆，今次玩咗十幾分鐘，底褲都濕晒！」崔浩然大讚Jeremy︰「如果五分滿分，佢有滿分，打得好猛，第一次打算係咁！」至於Stanley的表現，崔浩然笑言︰「本來得3.5分，佢講馬咁講，加番1.5分畀佢！」

邱士縉聲稱讓老友

不少鏡粉大讚二人可向劍擊及體育評述發展，他們「格劍」亦具娛樂性。前晚，Stanley留言講感想︰「唔打得都要睇得嘛！雖然我好明顯讓佢（Jeremy）啦！」崔浩然也在IG說︰「多謝你哋令多啲人認識劍擊，希望多啲人一齊支持香港運動員！」另外，Jeremy將在下月8日26歲牛一，有Unicorns（Jeremy粉絲）買下巴士車身廣告提早賀偶像。

撰文︰Steven

美術︰梁政敏