食神回歸 張敬軒激讚「遮遮」廚藝突飛猛進

張敬軒過往經常大曬工人「遮遮」炮製的暗黑料理，令無啖好食的軒仔獲「早餐KOL」稱號，他更因此帶「遮遮」上烹飪班學習廚藝。昨日軒仔上載新相，相中的他看來清減了，他留言︰「話說我玩咗168輕斷食一個月鬆啲，有番個下顎綫，個人又精精神神！」

軒仔更透露「遮遮」上完烹飪班後廚藝有改善︰「同場加映《家政風雲之食神回歸》，呢期阿遮開始玩焗乜焗物，當中尤其以Emoji三文魚出色，啱啱熟得嚟鮮嫩多汁，而且每次嘅擺碟都保持一樣風格，我諗呢碟作品應該係反映出佢內心對我奄尖腥悶嘅敬畏。」軒仔指「遮遮」將碟上兩片檸檬切得如薯片般薄︰「我要搵手指捽完再慳住點嚟食，分子料理一樣。」