【聲明】港生活網站並無進行電話推廣活動

食神回歸 張敬軒激讚「遮遮」廚藝突飛猛進

發佈時間: 2021/08/30

張敬軒過往經常大曬工人「遮遮」炮製的暗黑料理,令無啖好食的軒仔獲「早餐KOL」稱號,他更因此帶「遮遮」上烹飪班學習廚藝。昨日軒仔上載新相,相中的他看來清減了,他留言︰「話說我玩咗168輕斷食一個月鬆啲,有番個下顎綫,個人又精精神神!」

軒仔更透露「遮遮」上完烹飪班後廚藝有改善︰「同場加映《家政風雲之食神回歸》,呢期阿遮開始玩焗乜焗物,當中尤其以Emoji三文魚出色,啱啱熟得嚟鮮嫩多汁,而且每次嘅擺碟都保持一樣風格,我諗呢碟作品應該係反映出佢內心對我奄尖腥悶嘅敬畏。」軒仔指「遮遮」將碟上兩片檸檬切得如薯片般薄︰「我要搵手指捽完再慳住點嚟食,分子料理一樣。」

食神回歸 張敬軒激讚「遮遮」廚藝突飛猛進

碟上的檸檬薄片,盡顯「遮遮」刀功。(IG圖片)