現年60歲的吳毅將在1982年畢業於亞洲電視第8期藝員訓練班，出道後擔演多齣劇集，包括劇集《皇家檔案》系列、《法本無情》、《洪熙官》、《勝者為王II天下無敵》、《碧血青天楊家將》；之後過檔無綫參演《廉政行動組》、《反黑先鋒》、《智勇新警界》、《英雄刀少年》等。在1990年代，他亦開始拍電影，其中有《黑獄斷腸歌之砌生豬肉》、《賭俠1999》、《追龍》、《無間行者之生死潛行》等等。
吳毅將曾在陳圖安主持的港台節目《安哥同學會》訪問中，重提當年原本是想報讀亞洲電視舉辦的武師訓練班，但竟然報錯了戲劇班！他笑稱這是無心插柳柳成蔭，他憶述說：「當時睇到電視廣告招收學員，可能播咗啲動作片段，我心諗係咪武師呢？於是好開心去報讀，仲係何家勁幫我報名，我入到去，原來係藝員訓練班……既然嚟到咪去囉！」同期同學有黃秋生、苑瓊丹、麥翠嫻、楊得時、尹天照、呂良國等藝人，吳毅將表示大家仍有聯絡，久不久都會茶聚。
1984年香港小姐季軍│唐麗球與老公吳毅將一見鍾情 讚鐵漢柔情靠上門整水箱定情【下一頁】
談到吳毅將的原名吳彩南，他透露改藝名的原因，「劉天蘭入主亞視，佢哋想用新人，但又唔想全新，想要啲已經喺公司發展一段時間嘅人，佢一睇就睇到我，幾好吖大大隻隻！當時又幾靚仔啦……哈哈哈！所以我係其中一個，全新包裝過我哋，我一出嚟就拍《皇家檔案》（1989年），劉天蘭同我講，話一睇我個名『吳彩南』，同我個人完全唔襯，於是介紹咗個人畀我，幫我改名，一用就用到而家。」
在1996年，吳毅將在深圳開設一間製作公司，兩、三年後，公司生意不理想，吳毅將決定到北京發展事業，他表示︰「當時仲係兩邊走，上去一、兩個禮拜就返嚟香港，後來走吓走吓好辛苦，索性喺北京租個地方住，留一、兩個月再返香港，我覺得融入人哋嘅市場耐咗，所認識嘅人就會越嚟越多。」
「力量型變態佬」對老婆勁溫柔 吳毅將頑抗北方佳麗誘惑：日日都有【下一頁】
有人氣，自然有工作機會埋身，吳毅將笑言在國內登台時，飲歌是唱劉德華的《暗裡著迷》，但原來當初他不願唱歌，「當時有好多人叫我唱，但我對唱歌一竅不通，一直都做演員為主，所以我拒絕，後來冇辦法，受生活嘅壓迫，所以嘗試跳出第一步！都要搵食，自己冇理由擺出咁高嘅姿態，搵食重要吖嘛！都要養妻活兒。初初好慘，唔識唱歌，五音不全，但冇計，硬著頭皮行上台板，第一、第二次的確好驚，時間長咗，習慣咗之後就好enjoy，慢慢對唱歌有興趣，研究點解人哋唱個幾鐘，把聲都唔會變，我唱一、兩首就冇晒聲，原來我唔識運氣。」
問到有否想過在香港開一個小型演唱會？吳毅將笑說：「講真，呢啲小型演唱會真係唔敢當，只係我好彩有咁嘅市場，因為我哋以前拍戲拍得耐，變咗喺國內有一定嘅市場，觀眾對我哋仲係好支持，我哋先有一條生路；我哋去登台，大家都好支持我哋，我哋唱歌就盡能力唱好佢，答謝佢哋。」
撰文：黃曉妍
同場加映：藝員訓練班│馬浚偉首任校長著重學員操守品德 「尊重行業 唔好以為自己係明星」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】