因黃德斌而接拍《大叔的愛》｜簡慕華曾患抑鬱終日流淚拒見人 對家人報喜不報憂 靠朋友走出低潮

簡慕華自婚後便淡出幕前，並移居加拿大；今年因拍攝ViuTV改編劇《大叔的愛》而返港拍劇。再次於熒幕亮相的她令網民又驚又喜，她接受鄭丹瑞（旦哥）YouTube頻道《健康‧旦》訪問時坦言接拍劇集是因為黃德斌，更表示好開心劇集獲不少觀眾關注。

{{hket:inline-image name="kan2.png"}}{{/hket:inline-image}}

在《大叔的愛》中，簡慕華飾演黃德斌的太太Francesca。旦哥問當時為甚麼導演會找她演這個角色，簡慕華表示：「我諗係因為德斌，因為我同佢好多套戲都好夾。咁啱呢一套劇製作得好匆忙，可能佢哋諗起邊兩個合拍啲，就諗起我，我估係咁。」

{{hket:inline-image name="kan.png"}}{{/hket:inline-image}}

簡慕華亦坦言一直都有人找她拍劇，不過因她身處加拿大，所以不會刻意返回香港，直至遇到《大叔的愛》一劇。「呢套佢講到實牙實齒係德斌做，時間又啱啱好，我就返嚟搏一搏，要隔離都制！都要隔離21日，好長時間。」

在戲內，簡慕華與黃德斌曾四度合演夫妻或戀人角色，相當合拍；至於戲外，兩人亦是好朋友，簡慕華說：「我哋都成日出嚟玩、食飯、睇戲同傾偈，佢啲生活習慣、飲食、思想模式都同我好似。」

旦哥提到上次黃德斌接受其訪問時曾提到因工作而經歷低潮時期，簡慕華坦言自己都曾經歷情緒低落，不過就很少因為工作，而是因為家人及感情方面。「我都好似德斌形容咁，都係曾經試過唔想出街、唔想見人，終日係度喊。我係試過呢啲stage，係連睇周星馳（電影）、卡通片都喊呀！我知道係要睇嘢去分散自己注意力，咩方法都試過晒，但都係升唔返起個情緒。」

{{hket:inline-image name="kan4.png"}}{{/hket:inline-image}}

她憶述這個狀態持續至一次她照鏡見到自己，同自己講，「你真係好唔掂，我同自己講唔可以畀自己再沉淪落去。我就上網搵抑鬱嘅病徵，十個裡面十個中晒，我就知道不得了啦，如果唔再醫自己，就係咁先㗎嘞。」她先向朋友傾訴，又出去享受大自然，感覺好舒服。她指經過一段時間後，才慢慢從谷底爬返上來。

簡慕華表示自己主要的傾訴對象是朋友，對於家人總是報喜不報憂，「工作性質關係，見朋友多過屋企人；加上性格問題，唔想將唔開心嘅嘢話畀屋企人聽，又有一重壓力畀自己。好彩呢行都有好多好好嘅朋友陪住我成長，我諗半年左右，唔使食藥，我就正常返晒。」

{{hket:inline-image name="14719268_247898942296156_7585741809079287808_n.jpg"}}{{/hket:inline-image}}

《大叔的愛》紅到去日本│黃德斌負面情緒懷疑自己患抑鬱 對鏡自責：咁嘅衰樣唔會有工作【下一頁】

同場加映：不可愛教主│Anson Lo忙爆日睡4小時仍追Po 「衝刺期唔通請假去瞓覺咩？」

{{hket:ul-video id="3644"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】