ViuTV大型選秀節目《全民造星IV》，96強女參賽者今日誕生，她們將會透過連串訓練，選出一隊全能女團。其中4位《造星III》的落選者方方、子涓、蘇家欣（Bee）和鄭嘉欣（Christine），今年再接再厲，至於「宇宙天團」成員郭嘉駿（193）妹妹郭嘉盈、余香凝妹妹余潔瀅、歐陽巧瑩妹妹歐陽巧霖都有出戰。
《全民造星IV》面試｜黃榕被花姐鬧喊再騎呢劈腿搶Fo 娛圈小強以陳冠希「女友」之名出位【下一頁】
對於有家姐、哥哥的加持，知名度相比其他參賽者高，是否有著數？余潔瀅認為評判會一視同仁，同時提到家姐余香凝早已給她電子利是︰「好感動！佢話資助我搭車嘅錢，夠我用到入決賽，而且喺服裝、化妝、髮型方面，家姐都有畀意見我。」身形有點圓潤的歐陽巧霖，就笑言要減肥︰「我其實已經減咗好多！由準備比賽到今日，減咗12 KG，可能今日白色衫，會覺眼啲！」她直言面有點緊張，家姐歐陽巧瑩就負責為她做心理輔導。
ERROR家屬聚會丨練美娟狙擊193緋聞女友 Dee姐求饒：唔好令3萬個『老婆』攻擊我【下一頁】
提到現時人氣高企的郭嘉盈，未入行已獲廣告客戶垂青，一眾參賽者又會否視她為勁敵？余潔瀅笑說：「梗係唔會啦！我哋好和諧，因為拍《前傳》MV時，咁啱我哋同組，所以成日傾偈同玩。」
郭嘉盈指自己完全沒有經驗，所以很感恩得到廣告商的青睞。出身於《全民造星》的193有沒有心得跟妹妹分享心得？郭嘉盈說：「佢叫我要自信啲，眼神要堅定啲，唔可以怯，如果自己怯，人哋望落去都會覺得辛苦……佢不斷提醒我要自信，即使跳錯咗舞步、唱錯咗歌詞，只要有自信，你唔尷尬嘅話，尷尬就係人哋。」
《造星IV》監製兼MIRROR、ERROR經理人花姐，邀請了對藝人管理方面很有經驗的戴穎（Wing）擔任未來女團的經理人，花姐在台上笑言：「好衰呀！佢話要搶MIRROR啲生意呀，一嚟就『辣』我喇！佢話今次佢搞女團一定得，將所有MIRROR嘅生意攞番嚟……我就睇你有幾叻！」Wing接著說：「有競爭先有進步，MIRROR都要進步吖嘛！」花姐亦十分認同她的說法。
C AllStar老闆│阿拔開手機APP頻見姜濤嗌討厭 斥MIRROR壟斷廣告：擾民級別【下一頁】
事後花姐、戴穎（Wing）接受《晴報》訪問，Wing後者解釋「搶MIRROR生意」不是一件壞事，花姐亦認為有競爭很重要，她霸氣地說：「可能大家做嘅嘢唔同，你哋嗰邊拍廣告、唱歌，我哋咪去拍戲囉！呢個娛樂圈咁多嘢玩，所以我從來都唔驚，而且MIRROR咁勁！」對於C AllStar老闆阿拔早前在IG「限時動態」指每次開手機APP見到姜濤都覺得討厭，花姐說：「我記得以前開咗電視，唔知見到邊個都會覺得好煩，我都有呢個心態……當有個人咁講自己嘅藝人，坦白講，我係有少少唔開心，心諗『究竟姜濤做錯啲咩？』唔開心係以為我哋嘅努力，大家都睇到！其實我哋好努力，一年做好多隻歌，做好多唔同類型嘅歌，令到呢個樂壇多啲種類；跟住我會畀好多訓練佢哋，希望佢哋可以拍戲、拍劇，廣告只係其中一part咋！當我睇到嗰段新聞嘅時候，原來有人睇唔到我哋嘅努力，所以嗰吓係好唔開心。」花姐續說要其後有朋友做心理輔導。
問到Wing會否擔心自己，將來因太過緊張女團而變成「花姐2.0」？Wing認為這是性格和心態的問題，「我識佢（花姐）咁耐，好了解佢，佢好搞笑，即使遇到值得開心嘅嘢，佢都仲會諗有乜嘢唔好、可以改善嘅地方；佢太顧及整件事，令自己緊張，但我會選擇接受。」花姐聽後表示以後要好好向Wing學習。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】