簡淑兒陳婉衡做生意爆抄襲疑雲 遲中大女一個月「首創」威靈頓月餅

圈中藝人除咗做演藝工作外，都會另外開「財路」，搞搞小生意。陳婉衡（Alycia）同好姊妹簡淑兒（Jessica）趁住就到中秋節合作推出一款月餅，用傳統嘅餅皮包住牛柳，再配上Parma Ham（巴馬火腿）及新鮮黑松露片，大玩中西合璧。

{{hket:inline-image name="72236206_150345006214735_8453659648204075782_n.jpg"}}{{/hket:inline-image}}

Jessica舊年親手整咗月餅畀Alycia，Alycia覺得好好食，而二人不嬲都想合作整Product，所以就決定整鹹月餅。佢哋之後搵咗個專門整wellington beef（威靈頓牛排）嘅藍帶廚師合作，用咗嚟做藍本，設計咗呢款月餅。Alycia同Jessica指賺錢係其次，最主要係可以一齊出個Product；而呢款月餅用咗西式嘅方法製作一樣中式嘅嘢，同佢哋好相似，都係喺外國長大返到嚟香港，生活變得近中式文化。佢哋當時仲話市面上冇呢樣嘢，而最大嘅困難係點樣keep到形狀同埋味道；至於餅皮要點做，點樣夾到個牛味都有學問。

不過今日（2日）就有人喺討論區爆出，其實佢哋並唔係香港嘅「威靈頓月餅」第一人。早喺佢哋出Post宣傳前嘅一個月，已經有一位KOL Foodie開賣威靈頓月餅，更自稱係「全港首創」！呢位Foodie留言講述自己嘅「發明」過程：「由上年疫情嘅時侯，學校轉哂做網上授課，所以多咗好多時間喺屋企，令到我亦都多咗好多時間去鑽研廚藝。中秋節個排我咁啱整咗迷你版威靈頓牛柳畀屋企人食，整完出嚟覺得可以試吓將佢變成其他形狀，靈機一觸就諗到將佢變成月餅形狀。之後試咗好多次，雖然頭幾次都唔成功，但慢慢掌握到邊度出錯同埋啲技巧，再改良吓個食譜，最後終於成功整到一個威靈頓月餅！」呢位中大女生更加下定決心休學一年去發展呢項飲食生意！

《晴報》聯絡到Jessica，佢表示同Alycia都認為事情發展有違佢哋原意，所以已經「光速」同合作商割蓆：「當初我哋想推出牛柳月餅嘅時候，係未見到市面上有呢個concept（概念）。到我哋發現市面上已經推出了呢款牛柳月餅嘅時候，雖然材料同做法唔同，但係我哋都決定pull out（抽身），唔再繼續參與落去，因為已經唔係我哋一開始嘅原意。我哋已經冇再同佢哋合作了，如果有關月餅嘅事可以問番佢哋。 Thank you!」

圖片來源：Instagram

同場加映：《全民造星IV》丨96位女參賽者強勢誕生 193妹余香凝妹成焦點

{{hket:ul-video id="4054"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】