兩個仔鍾意同舅父玩│陳凱琳帶埋龍鳳胎細佬孖住搵錢 讚留鬚Derek夠幽默適合做幕前

陳凱琳（Grace）今日與龍鳳胎弟弟陳浩彰（Derek）出席品牌活動，Grace穿上透視裝性感上陣，正式「粉墨登場」的Derek穿上樽領冷衫，以秋冬系列示人，無懼外面炎熱的天氣。Derek在活動上表現得很淡定，全程以流利的英文對答，拍照時亦Chok到爆，有型有款。

陳凱琳細佬開IG家姐幫手呃Like 網民一致認同︰真係好似印度人【下一頁】

{{hket:inline-image name="6949d2b1-e00c-46ca-abd8-43d8315d09de.JPG"}}{{/hket:inline-image}}

Grace同Derek兩姊弟感情非常好，IG不時會互相分享照片，Derek近年接下了不少IG廣告或拍攝短片的工作。Derek皮膚黝黑，而且留有鬍鬚，一直被網友指外表似印度人，成為話題。Derek表示自己一直在獵頭公司工作，今日是向公司請假，孖家姐出席活動，笑言：「大把假期留嚟都冇用，冇旅行去，有合適活動都可以請假去，（幕前工作呢？）慢慢嚟，睇吓下次Grace有冇工作一齊做，始終暫時我未夠信心可以自己一個（商演之類）。」他表示第一次出活動才知道，藝人短短五分鐘就要準備好上台的一切，令他大開眼界。

Grace對弟弟讚不絕口，認為他首次表現很不錯，「好好，我哋活動前5分鐘先對稿，佢好勤力咁練習講稿嘅每一句，完成之後我有讚佢好叻，講得晒呀！我覺得佢好有潛質做幕前，因為佢性格好幽默，見佢經營IG都係好搞笑，當然要睇佢個人意願，佢肯先再諗。」提到Grace的大仔Rafael開學，她表示囝囝以往都有上學前班，所以習慣了早起上學的日子，「Rafael有番開學，成日喺門口催我話校巴到，快啲出門口，聽老師講佢一返學就攬住老師，感覺到佢好享受個環境，返學好開心。」

Derek指自己跟兩位姨甥仔非常老友，特別是自己有鬍鬚，令Rafael同Yannick大感好奇，經常伸手摸他的鬍鬚。今年3月結婚的Derek有沒有計劃生小朋友陪Rafael同Yannick？他表示：「等多幾年先，未有計劃，希望之後有機會去蜜月旅行先再傾。」

陳凱琳開學日曬親子Staycation靚相 唔見老鄭嘉穎 大仔Rafael成焦點【下一頁】

同場的周秀娜（Chrissie）超密實示人，相反王麗嘉、周子涵都以超性感內衣造型示人，搶去不少風頭。Chrissie笑言做演員習慣夏天穿冬天衫，冬天拍夏天戲。她日前趁工作空檔，特別相約好友KB一齊滑水，「我鍾意滑水，一路都好想學識，但一年一度玩得一兩次就到冬天。咁啱齣戲拍完就約朋友去滑水，每年都得少少進步，由30秒到而家一分幾鐘，真係要慶祝！KB係好教練，雖然佢有時老點我，不過多得佢肯教我。」近來簽約成為古天樂旗下公司藝人，Chrissie表示正落力於創作劇本，接觸不同範疇，會否想同老闆古仔合作？「有合適劇本同角色當然好，佢咁有經驗亦係好演員，想喺佢身上學到更多演戲嘅嘢。」

{{hket:ul-video id="4062"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉