陳凱琳帶挈孖生細佬吸金

陳凱琳（Grace）昨日首次與胞弟陳浩彰（Derek）結伴出席公開場合，Grace更穿上透視裝露黑色bra，令人眼前一亮。雖然Grace全程傍住Derek一同受訪，但Derek坦言有少許緊張，問到兩姊弟一同出席活動是否酬勞可觀？Grace表示︰「我同呢個品牌合作咗好耐，咁啱佢哋話有男裝，屋企有好多（男性）選擇，但兩個囝囝太細，老公（鄭嘉穎）又要開工，所以就叫咗細佬嚟。」

至於Derek日後可會考慮拍劇？他笑說︰「如果劇本係全英文都OK。（家姐幫手繙譯？）家姐中文好過我，佢為咗做好呢行（娛圈），好畀心機學中文。」Grace即笑指兩姊弟可以一起亮相明珠台，又指稍後會為兩名兒子報讀本地傳統幼稚園，希望他們學好中文。