《甜爺爺》︳夏韶聲當年奉子成婚拒女友墮胎 教女兒「搞出人命」忌先找經手人

ViuTV親子真人騷《甜爺爺》請來五位爺爺暢談與孫仔孫女的相處之道，在剛播出的一集，幾位爺爺包括夏韶聲、周中師傅和素人爺爺Bee，分享當年追女仔的故事。周中師傅稱做廚師工作時間長，拍拖時間不多，只靠送花來追女仔，回想當年與女朋友拍拖一年便決定結婚，「啱就結啦！唔啱就走！唔好嘥大家時間。」周中續說：「有緣份，唔使話要拍幾耐拖先至天長地久，反而係結婚後去培養感情先重要！」笑言婚後見真章，「拍拖時個個都講假話啦！不過，以前嗰代人就冇咁狡猾嘅！」

{{hket:inline-image name="28.jpg"}}{{/hket:inline-image}}

夏韶聲少年時「搞出人命」而奉子成婚。（電視截圖）

{{hket:inline-image name="06.jpg"}}{{/hket:inline-image}}

呢位Bee爺爺秒速向練美娟騷body。（電視截圖）

ViuTV《甜爺爺》丨夏韶聲與孫仔Kyle「爺孫檔」學劍擊 周中3位孫兒首度曝光 【下一頁】

今集有練美娟做嘉賓，其中一位74歲的素人爺爺Bee見到娟姐，即表現得好精靈活潑，又讚娟姐靚女，他指當年邂逅女朋友，便一見鍾情，自嘲：「當年20歲，血氣方剛嘛！好似未見過女人咁……」娟姐知道Bee爺爺後生時當消防員，想睇睇對方有沒有keep到肌肉，估不到Bee爺爺竟然秒速除衫，嚇到幾位爺爺和孫仔孫女「O咗嘴」！

赤裸上身的Bee爺爺向娟姐擺出大隻佬的騷肌甫士，搞到娟姐都「呱呱叫」！主持人泰山勸止爺爺要冷靜，「否則你返到屋企冇得入家門……家變……」不過Bee爺爺似乎不怕跪玻璃，指當年老婆有身材又有女人味，現在老婆已經70歲「走晒樣」。

論到年屆68歲的夏韶聲，當年他和女朋友是奉子成婚，玩音樂、band仔予人「冇前途」之感，但他抱著的心態是，「冇前途？佢點知呀？我自己都唔知啦……博一博囉！」並負起男人的責任，「因為唔知前途，但唔要肚入面小朋友真係講唔通囉！」夏韶聲有兩個女兒，後來他有和大女訴說事情始末，大女向他說︰「好彩你當時有咁嘅決定，如果唔係呢個世界就冇我嘞！」

夏韶聲分享當年都會擔心女兒像自己一樣「搞出人命」，為免她做出錯誤，決定早早灌輸方法，「如果畀人搞大咗個肚要同邊個講？女仔最蝕底，係一定會搵經手人去講，通常個男仔都會叫你落咗佢！我就同阿女講，記住有乜嘢事一定係同老竇講，老竇會幫你諗，『落』呢個字寫就易寫，真係做，係殺咗一條命呀！男人好多冇本心，負責任？講就易，做就縮啦！」

撰文：衛紫敏

同場加映：《全民造星IV》丨96位女參賽者強勢誕生 193妹余香凝妹成焦點 

{{hket:ul-video id="4054"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

娛樂百分百｜Coffee接棒姜濤被邀上台灣綜藝 被問藝人同瑜伽二揀一會揀咩？ 【下一頁】