鄭詩君（C君）獲曾志偉欽點出任無綫J2台的創意總監一職，9月1日正式履新，當日C君表示剛剛開始上班，新計劃會陸續推出，沒想到事隔3日，J2台的皇牌綜藝節目之一《#後生仔傾吓偈》突然宣布完成最後一集錄影，正式「畢業」說再見。節目播出800多集，起初由馮盈盈、麥明詩（Louisa）和陸浩明率領大專生KOL在節目中無所不談，由於盈盈和Louisa話題都不設限，經常都有踩界位，反而令觀眾睇得非常過癮。
《#後生仔傾吓偈》｜曾志偉現身節目粉碎腰斬傳聞 派定心丸「當然需要呢班新血」【下一頁】
不過自Louisa轉行，加上節目的KOL和形式都經過一段4年多來的洗禮，話題性大減。早前「193」郭嘉駿在訪問中被問及ViuTV和J2台比較時，他一句：「J2？咩嚟呀？係咪有個40多歲人仲拍《#後生仔傾吓偈》節目？」當時引來很大迴響。曾志偉今年3月曾經到《#後生仔》作客兼探班，並公開派定心丸：「出面成日傳我唔熟悉嘅節目會畀我腰斬，但其實人事變動係上面唔係下面。呢班演員，雖然我唔識，但呢個節目我哋需要，因為電視嘅大部分觀眾都係年輕人，佢哋鍾意嘅嘢同年輕觀眾都好相同，當然需要呢啲新血，無可能唔需要佢哋。」
沒想到今日無綫發表公開新聞稿，指《#後生仔傾吓偈》已完成最後一集錄影，以畢業禮為主題，無綫副總經理（綜藝、音樂製作及節目）曾志偉亦專誠抽空到場為一眾台前幕後打氣，感謝台前幕後多年的付出和努力：「大家都做得好好呀！」最後志偉更與眾人大合照，曾被傳獲志偉看好的波波黃婧靈（前名：黃凱儀）穿上低胸性感裙示人，而且表現得非常風騷。
#後生仔傾吓偈│大學生畢晒業等極未有新血加入 急召《愛回家》島大學生頂上？【下一頁】
陸浩明坦承早視一班「後生仔」如弟妹：「四年時間眨吓眼就過，大家感情好好又好玩，我哋私底下乜都講。開始時睇住佢哋一邊讀大學、一邊拍節目，我就同佢哋講係好辛苦但值得，呢個節目會係佢哋人生一個難忘嘅時光。」
而盈盈亦指早已當了台前幕後是老朋友，節目幕後工作人員在IG上載他們的大合照並留長文感言，盈盈、陸浩明、黃美棋等都紛紛留言話感動到想喊，似乎對節目依依不捨。而不少粉絲都大感可惜，部分人更痛斥曾志偉出爾反爾。
同場加映：星格Boss│黎澤恩Ronny疫情下開健身+音樂教室 生招牌吸客 租金高昂未敢諗回本
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉