師傅愛你丨七仙羽驚艷客串演出MV 送9條毛助「鬼王」潘紹聰財氣

七仙羽師傅早前在有「鬼王」之稱、靈異節目主持人潘紹聰的二次創作歌曲《Edmond驚嚇》的MV中友情演出，前晚（4日）在銅鑼灣舉行新歌MV發布會，吸引不少fans到場率先欣賞，更要求與七師傅和潘紹聰合照。

{{hket:ul-video id="4089"}}{{/hket:ul-video}}

{{hket:inline-image name="20.jpeg"}}{{/hket:inline-image}}

{{hket:inline-image name="10.jpg"}}{{/hket:inline-image}}

在MV中，潘紹聰分別請來好友七師傅、謝雪心、盧法鏗師傅助陣，七師傅就踢爆今次是做「義工」，因為MV是零成本，潘紹聰急忙表示：「人情牌，要還㗎！」七師傅之後補鑊說好話，大讚拍攝十分專業。及後，潘紹聰要求七師傅即場演繹她在《七救星》曾示範的「七連閃電鞭」，七師傅一臉認真地說：「我著得咁高雅，點玩呢啲鞭呢？我仲要搵食，我怕人哋以為我係傻、以為我係癲，人哋唔敢搵我做法事呀。」潘紹聰忍不住笑說：「你覺得《七救星》，人哋唔覺得你……」兩人妙問妙答，引得全場人抱腹大笑！

{{hket:inline-image name="21.jpeg"}}{{/hket:inline-image}}

{{hket:inline-image name="22.jpeg"}}{{/hket:inline-image}}

{{hket:inline-image name="23.jpeg"}}{{/hket:inline-image}}

{{hket:inline-image name="24.jpeg"}}{{/hket:inline-image}}

{{hket:inline-image name="25.jpeg"}}{{/hket:inline-image}}

【鬼同你上位】七仙羽跳舞娛賓搶Fo過參賽者 頻頻爆金句女仔「淫邪」易撞鬼？【下一頁】

訪問時，提到七師傅的友情演出，她指：「佢（潘紹聰）都有以身相許。」潘紹聰聽到眼都凸：「喂喂喂，咩身先？」七師傅續說：「係免費，佢話冇咩報答。」潘紹聰表示要請對方食飯。對於這首歌在3個月前已經推出，而歌曲MV近日終於面世，潘紹聰坦言有一種BB出世的感覺，並透露花了5天拍攝，「好期待呢個MV，之前純粹係一個唱嘅版本，之後諗住不如做多少少嘢，就不如做個MV。歌詞入面有七師傅，點可以唔搵佢呀！」

{{hket:inline-image name="55.JPG"}}{{/hket:inline-image}}

{{hket:inline-image name="56.JPG"}}{{/hket:inline-image}}

{{hket:inline-image name="57.jpg"}}{{/hket:inline-image}}

晴報專訪．農曆七月｜鬼王潘紹聰睡醒不能動疑鬼壓床 精神科醫生分析3大常見撞邪現象【下一頁】

原來在拍攝MV時，亦有怪事發生，七師傅說：「佢哋喺『鬼仔湖』有撞嘢，話好唔舒服，喺墳場拍嘅時候，都見到潘紹聰後面有嘢。」問到七師傅會否與潘紹聰合作出新歌？潘紹聰說：「其實我諗緊一樣嘢，因為有人問我可唔可以搵埋七師傅一齊做個show。」七師傅妙答：「咁多人講嘢，你都要聽嘅咩？咁多人嘅意見，邊聽得咁多呀！好多人都要你娶我，咁點算呢？」潘紹聰給她嚇一嚇：「吓？冇喎！你有一個拍拖10年嘅好朋友㗎嘛！」問到覺得潘紹聰的顏值如何？七師傅即說：「喺鬼界嚟講，高㗎！因為佢係鬼王，對眼好大隻，有神，你搵到好多錢吖！」潘紹聰笑說：「你唔好成日話我搵好多錢先得㗎，大佬呀，我邊及你呀，你送咗9條羽毛畀我。」七師傅說：「嗰啲毛唔賣，係珍藏，好罕有，佢擁有咗（9條羽毛），之後就發喇。嗰啲係特別嘅毛，要祭，要修法，同佢識於微時，畀啲毛佢，之後佢就……啲毛擺咗喺邊？」潘紹聰不好意思說：「我搬屋，好似唔見咗！」七師傅聽後沒他好氣。最後問到七師傅的男友會否呷潘紹聰醋？她就說：「我同佢咁親熱都冇嘢，點都冇嘢，冇人管得到我。」

攝影：黃紫維、黃敬博

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】