怕老婆會發達︳黎諾懿自信可全裸 某部位特別靚 老婆囝囝齊跌落海 竟然會咁揀？

黎諾懿作客陳敏之YouTube頻道節目《chi chat》，擔任嘉賓，兩人於2003年拍攝無綫劇集《下一站彩虹》而成為好友。他們識於微時，廿多年的友情，對對方性格瞭如指掌，同時亦無所不談。

{{hket:inline-image name="01.jpg"}}{{/hket:inline-image}}

黎諾懿是陳敏之圈中數一數二的「好兄弟」。（YouTube截圖）

{{hket:inline-image name="02.jpg"}}{{/hket:inline-image}}

兩人第一齣合作拍攝的TVB劇集是《下一站彩虹》。（YouTube截圖）

星二代開學啦︳陳敏之囝囝與小豬比讀星級學校 徐榮肉緊錫面 不捨大子返英升學 【下一頁】

黎諾懿和陳敏之的伴侶都是圈外人，前者笑稱再給他選擇一次，仍會堅持揀圈外人為結婚對象，此乃「經驗之談」，他說：「因為講唔到大話囉！如果另一半都係娛樂圈嘅人，話佢聽我出去拍戲，佢會問『拍乜嘢戲？邊個導演呀？我唔識㗎咩？』呃唔到佢。」陳敏之笑問︰「點解要呃另一半？」黎諾懿回應：「你理得我……我鍾意呃咪呃囉！呃吓呃吓就一世啦！」笑言用開工、開會甚至試造型做借口，換取Me Time私人時間。

去到二選一題目，情願接受另一半「出軌」還是「出櫃」？黎諾懿選擇後者，「輸比同性就抵輸囉！」若果輸給異性就不能接受，笑謂：「一定劈佢㗎！黎諾懿身邊嘅女人都敢搞？即係唔畀面我啦，去買定板（棺材）啦！」當問到囝囝和太太同時跌落海會先救誰時，黎諾懿不敢怠慢，秒速回答：「救老婆！唔先救老婆，對我嚟講手尾係後患無窮，而冇揀阿仔，係我信佢係銅皮鐵骨！但浸親老婆，我會冇覺好瞓。」陳敏之稱女人的「音波功」是對男人十分有效的懲罰。

繼續二選一題目，問到「全裸出鏡」還是增磅「50kg」變肥佬？黎諾懿則選前者，「我body有啲地方特別靚，想畀觀眾見識一下！」陳敏之抵死問︰「有啲地方特別長？定特別短？定有『靚股』？」黎諾懿指她思想低俗，「你諗來諗去都係嗰啲部位……」另一條題目，那應揀「紅劇」定「紅人」？選擇「紅人」的黎諾懿老實不客氣連珠炮發：「最緊要個人紅得到！ 搵到錢！公司收視低關我鬼事咩……理鬼佢吖……人係要自私嘅，尤其做呢行，唔喺嚟玩！」

兩人同時分享拍劇遇上的激氣事，黎諾懿指有某幾位演員經常no show（冇出現），導演都等到嗌收工，情況日復日發生，令他由起初期的憤怒到後期已全無感覺。而陳敏之同樣試過被同劇演員「欺凌」，每有她拍攝的場面，對方都例牌遲到，終於有一次她忍不住鬧爆對方：「幾點呀而家？全村人等你一個！你係咪蝦我呀？成日喺我嗰場嚟遲，你快啲啦……」自此她和他如同陌路，事隔多年後對方認錯，陳敏之亦原諒了他。

撰文：衛紫敏

同場加映：【娛樂直擊】陳凱琳帶埋龍鳳胎細佬孖住搵錢 大讚Derek幽默啱做幕前

{{hket:ul-video id="4062"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

49歲趙文卓片酬曾高達2000萬 盤點4位《披荊斬棘的哥哥》身家 【下一頁】