談娛圈潛規則︱傅穎截圖反擊網民鬧「瘋狂整容」 憶起被網暴:唔係個個可以承受到

現年36歲的傅穎（Theresa）早年轉戰內地發展，參演唔少劇集同電影，雖然喺中港兩地都唔算大紅大紫，但佢回港後入手市值過千萬嘅海景豪宅，可見吸金力強唔差。Theresa喺香港嘅作品唔多，最近亦比較多喺內地嘅社交平台更新自己近況。日前，佢喺抖音大談自己嘅見解，以「女藝人的悲哀？」為題，談及自己對「潛規則」嘅睇法。Theresa指多年來都堅持靠自己，做唔到為求上位不擇手段！

{{hket:inline-image name="241215190_874442059851639_242157884393363937_n.jpg"}}{{/hket:inline-image}}

事緣係Theresa嘅朋友A認為只要可以上位，無論做咩都得，但Theresa就話如果佢想「不擇手段」，應該好細個時已經做咗，唔會等到而家37歲先做。朋友覺得「Theresa如果甚麼都不願意去做的話，那就別想自己會火（紅）了」。Theresa表示自己入行多年始終無法接受「潛規則」：「隨便抓住一個我都能實現到她們說的『不顧一切』上位，『不顧一切』上岸。我跟朋友說其實我已經沒想自己會紅了，我現在只是想做自己想做的事情，不想去做一些會後悔的事情，不想做一些會違背自己良心的事情。我可能只能做一個平平凡凡的人，當然我也希望讓更多人留意到我的作品，這應該是每一個演藝工作者都希望的事情吧。我還是會選擇做一個正直的人，潔身自好，希望我們做的每一件事情都可以坦然、坦蕩、不違心、光明磊落、開開心心。」

{{hket:inline-image name="1.JPG"}}{{/hket:inline-image}}

雖然Theresa呢番說話好正面，不過網民就將focus放咗喺佢嘅外貌上面，更指佢瘋狂整容，令Theresa不得不反擊。Theresa仲話如果喺香港嘅平台就唔會發表呢番說話，因為一定會被人「扭曲」原意：「我即刻回憶返十幾年前被網暴……呀！唔係！係被「寵幸」嘅時期。估唔到網民嘅留言依然維持番喺十幾年前嘅水準，掂呀！簡直勾起晒我嘅「童年回憶」。」

Theresa表示自己唔想畀人話「做新聞」，先會開聲：「我係針對我朋友同我講嘅一番說話作出相關嘅回應（寫到明）。如果唔清楚又想鬧又想寸我，但又有啲良心想搞清楚發生咩事先至鬧嘅網民，其實可以去我小紅書，睇晒成段視頻先開始噴（攻擊）嘅。潛規則到處都有，真係唔單單剩係娛樂圈，唔係一定要潛先會紅，但我朋友對呢個point好執著，我先至會同佢解釋。至於嗰啲唔清唔楚就喺到鬧嘅網民，我真係好佩服你哋，所以cap低埋你哋嘅留言，同大家一齊欣賞吓。」

佢又對網民話自己整容嘅言論作出反擊，請大家去睇佢嘅作品同「真面目」：「嗰日個妝係化得勁咗少少，因為要做嘢嘛！如果你哋好想睇我究竟係咪整容整到換咗個頭，快啲去睇吓胡清藍嘅抖音啦，視頻全高清鏡頭，原相機影㗎！或者去睇吓《熟女強人》啦，喺電視機面前乜嘢都無所遁形啦，快啲去睇吓我整咗邊度都好呀！當然睇我啲MV都可以睇到嘅！雖然話好多網友講嘢不嬲都mean，覺得唔使負法律責任吖嘛。」

Theresa表示自己條片講嘅內容係「空性」，唔同嘅人有唔同解讀；又提到自己當年受害於「網絡欺凌」：「都唔係個個人可以承受到㗎，你哋如果上網摷返以前點寫我，應該會好奇我係點樣可以繼續生存到。我都好多謝大家幫我，煉就咗一個更強大嘅心臟，畀我見識到黑白顛倒嘅世界。以前細個真係見識少，但我相信呢個世界唔會永遠都係咁！為自己發聲係我嘅本分，而人哋信唔信就唔關我事啦。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】