【聲明】港生活網站並無進行電話推廣活動

港姐出埠唔簡單 朱晨麗︰台灣拍外景食到想嘔

發佈時間: 2021/09/07

《2021香港小姐競選》決賽將於周日舉行,每年港姐均設有外景拍攝,惟受疫情影響,今年參選的佳麗只能留港staycation。回想歷屆佳麗踏足歐、美、亞,甚至上郵輪拍攝,讓觀眾羨慕不已,不過一眾「師姐」坦言拍攝外景有苦自己知,即使相隔多年,依然非常難忘。

朱晨麗(朱朱)於2011年參選港姐並勇奪冠軍,她分享當年到台灣拍外景,不斷介紹寶島美食,但她表示︰「未天光已經開始拍,起初乜都話『好好食!』之後日日係咁食,第一餐好食,第二餐已經好飽,第三餐完全唔想食,直頭想嘔!自此之後就明白飲食節目嘅主持,餐餐咁食其實都好辛苦。」

問到當時每日瘋狂吃喝,不擔心影響身形?朱朱笑言︰「無擔心過呢個問題,事關每日由朝拍到晚,其實無時間坐低慢慢食,加上嗰時後生、新陳代謝快,又有做運動,根本無乜機會增磅,哈哈!」

朱智賢︰ 難忘希臘藍白小屋

朱智賢參選2013年的港姐競選,入圍最後20強。而20強佳麗需分組到八個地方拍攝,朱智賢幸運地抽中「第一志願」希臘,她說︰「呢個旅程最大挑戰就係一落機就即刻開始拍攝,由於每個外景地點都只有兩個佳麗,所以我同partner要互相照顧,化粧、set頭都要自己一手一腳搞。」

雖然機程逾20小時,但朱智賢形容希臘的美景和藍白小屋十分漂亮,讓她覺得多辛苦都值得,「嗰次真係大開眼界,我同自己講將來一定要重遊舊地,甚至要去返當地影婚紗相;最嚮往就係每朝打開窗、望住個海,聽住海浪聲化粧。」

陳庭欣︰ 帶半喼水去印度

2010年香港小姐冠軍陳庭欣(Toby),當年遠赴印度拍攝外景,她說︰「最難忘要喺50幾度高溫下拍外景,又熱又辛苦,但當時每日都拍差唔多23個鐘,得番一個鐘畀我哋沖涼,我哋匆匆忙忙梳洗完,又要再去第二個地方。出發去印度之前仲要打三支針,帶咗半個喼都係支裝水,始終真係唔敢飲當地嘅水。」

另外,由於印度人主要食咖喱,對本身不嗜辣的Toby是一大考驗,不過她笑言︰「我哋根本連食嘢時間都未必有,所以就算自己唔食辣,都要夾硬食啲嘢落肚。」

高海寧︰ 為免費去加勒比海參選

高海寧(高Ling)2008年參選港姐時,TVB大手筆地安排佳麗坐郵輪,暢遊加勒比海,並到墨西哥拍外景,聽起來已十分吸引。高Ling笑謂︰「我諗呢世人都無乜機會去加勒比海,當知道港姐外景拍攝係去嗰度,我就即刻報名,我真係為咗個trip㗎咋!」

問到十多日的外景拍攝是否辛苦?高Ling說︰「反而唔覺得辛苦喎,十幾日最多係着泳衣,日日都係着泳衣影相,影到啲記者朋友都話唔再影,哈哈!其實我哋每日朝早八點起身,慢慢化個粧,夜晚就睇個騷、食個飯,拍攝過程幾舒服。」

採訪︰Pauline

攝影(部分)︰林良明

美術︰梁政敏

港姐出埠唔簡單 朱晨麗︰台灣拍外景食到想嘔

朱朱(右一)早前與一眾同屆港姐Re-U。(IG圖片)

港姐出埠唔簡單 朱晨麗︰台灣拍外景食到想嘔

朱智賢指自己最喜歡希臘米克諾斯島的景色。(資料圖片)

港姐出埠唔簡單 朱晨麗︰台灣拍外景食到想嘔

去年捲入桃色風波的朱智賢,最近獲無綫解凍。(IG圖片)

港姐出埠唔簡單 朱晨麗︰台灣拍外景食到想嘔

Toby回想印度之行也大呻辛苦。

港姐出埠唔簡單 朱晨麗︰台灣拍外景食到想嘔

日前34歲生日的Toby,獲一眾好友輪住與她慶生。(IG圖片)

港姐出埠唔簡單 朱晨麗︰台灣拍外景食到想嘔

高Ling笑言參選港姐的最大收穫,是贏了一趟加勒比海旅行。(資料圖片)

港姐出埠唔簡單 朱晨麗︰台灣拍外景食到想嘔

高Ling最近在《七公主》的演出獲劇迷大讚。(IG圖片)