有酒今晚吹丨Coffee遇人生低潮靠酒精入眠 曾被爸爸責罵：你好丟架！

林芊妤（Coffee）的人生曾經歷高低起跌，但她深信「邊度跌低就邊度爬起身」，一切事主要靠自己跨過。由強尼、練美娟主持的ViuTV節目《晚吹-有酒今晚吹》，昨晚播出訪問Coffee的一集。

節目中，提到Coffee喜歡飲酒，她解釋是因為失戀，發現男友一腳踏兩船，「當時我哋嘅關係去到末期……我哋要喺內地工作年幾，有一日我搵唔到佢……佢有叫我嫁畀佢嘅，同我求婚，我有考慮，如果要嫁畀佢，我一定要清楚究竟發生乜嘢事！於是我即刻搭的士過關，我哋喺內地有間屋，我去到，見到門冇閂，入到去（睡房），冇人，有啲衫喺地下，之後就見到佢哋入嚟！」Coffee憤憤不平續稱︰「我有個慣性，同男友鬧交之後，講完電話就會熄機，然後唔睬佢一日，可能佢覺得我已經熄咗機，可能本身諗叫個女仔走，咁啱我真係去搵佢，咁啱佢哋就入嚟……當然佢之後好後悔，不斷求我……」由於當時被很多記者追訪，Coffee選擇搬走，因為她怕黑而不能獨居，故當時她每晚要借助酒精入眠。

{{hket:inline-image name="3.jpg"}}{{/hket:inline-image}}

{{hket:inline-image name="4.jpg"}}{{/hket:inline-image}}

娛樂百分百｜Coffee接棒姜濤被邀上台灣綜藝 被問藝人同瑜伽二揀一會揀咩？【下一頁】

Coffee透露當時已經任職私人瑜伽導師，笑言經常被學生聞到酒味，「例如做完用頭倒立、用手倒立，當你運氣嘅時候，（酒氣）就會湧出嚟！其實人哋睇我，以為我好硬淨，但我唔係，返到屋企就會飲，都維持咗一段好長時間。」人生遇到低潮，Coffee坦言家人的思想很傳統，曾直斥她很丟架，「我阿爸真係咁，令我好難受！我覺得就算全世界話我都好，但你係我屋企人，你應該企我呢邊，起碼我會舒服、我會釋懷，令我知道起碼我有家人，但嗰刻冇佢哋支持，所以我選擇離開（離家），完全唔知下一步係點。」

{{hket:inline-image name="5.jpg"}}{{/hket:inline-image}}

對於Coffee轉型做瑜伽導師，她是表示是經濟因素、家庭負擔，要支付兩個姪仔的開支，所以當年在無綫做藝人，劇接劇賺錢，身體就開始變差，試過胃炎、胃出血，還有子宮頸癌前期，「我做完手術，夾硬返工，然後出血……公司冇人用我，我要留喺家休息，於是開始接觸瑜伽，開頭玩一、兩堂，既然要畀錢玩，咁學做導師又要畀錢……之後開始教瑜伽，好大滿足感，以前冇人尊重我！由嗰刻自己成為一個導師之後，我覺得受到尊重，自信心慢慢建立。」

Coffee接受老公出軌多於心靈不忠 遇的士司機惡言中傷選擇啞忍【下一頁】

{{hket:inline-image name="15.jpg"}}{{/hket:inline-image}}

{{hket:inline-image name="16.jpg"}}{{/hket:inline-image}}

Coffee現時是一位人氣YouTuber，訂閱人數過百萬，不少人都跟Coffee學做瑜伽，她開心表示外界反應很好︰「而家年輕化，有個5歲小朋友走埋嚟叫我簽名，佢哋跟我拉筋，可能之前疫情，冇得返學。」講到小朋友，一定要提Coffee兒子翟德彥「伯伯」，她爆「伯伯」有前世記憶，「佢啱啱識講嘢嘅時候，好細個已經明我哋講乜嘢，好似有前世記憶咁！仲有佢啲眼神、動作都好似老人家，跟住我問佢『你叫咩名』，佢唔係話自己叫『彥彥』，佢話『我叫毛毛』，到幾個月我再問佢，佢都係話『毛毛』，維持咗好耐。直到返學，佢知自己叫『彥彥』，先話自己係『彥彥』。」

撰文：黃曉妍

同場加映：師傅愛你丨七仙羽驚艷客串演出MV 送9條毛助「鬼王」潘紹聰財氣

{{hket:ul-video id="4089"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】