育兒問題｜6歲兒太百厭奶奶拒湊孫 港媽嘆無計：開學太興奮過度活躍

小朋友太百厭令家長頭痛。一位在職港媽指向來靠奶奶幫忙照顧6歲兒子，惟最近開學後兒子行為突變，先在學校以紙箱笠同學被投訴，日前又故意嚇嫲嫲致其跌倒扭傷腰。她指奶奶事後怒不可遏，更明言不再幫忙湊孫，令事主相當苦惱，認為兒子在疫情下困家太久，以致開學時變得過度活躍。

該名港媽今日（7日）在網上討論區「親子王國」發文，指自己是一名在職媽媽，平日朝九晚六工作，6歲兒子平日由奶奶照顧，夜晚和假日才由她親自照顧。受疫情影響，去年中起兒子都無法回校上課，至今年4月開學兩個月又放暑假，大多數時間被迫留在家，導致最近開學後發生連串事件。

港媽表示，開學翌日接獲老師投訴，指兒子以紙皮箱套著同學弄哭對方，以致同學家長向校方投訴，

「聽老師講係一班男仔玩，互相整蠱大家，追逐吓，跟住阿仔就拎起紙皮箱笠落其中一個同學仔個頭，之後佢拎返紙皮箱落嚟時同學仔就喊。」

事主又指，已就事件嚴懲兒子，老師亦要求其兒子對受影響同學道歉。

嫲嫲遭嚇親意外弄傷腰 揚言不再幫忙「湊仔」

然而貪玩的兒子日前再次闖禍，奶奶接他放學時，他跑到轉角位躲藏，再趁機跳出來大叫嚇人，導致奶奶受驚倒地弄傷，

「奶奶心血差，嚇到跌咗落地chok親（扭傷）腰，而家奶奶好㷫，話唔湊個死仔，叫我自己湊番。」

事主指雖然兒子平時有點頑皮，惟本來無太大問題，懷疑因困在家中時間太長，當轉換新環境後異常興奮。她遂在網上向其他媽媽求助，

「平時屋企百厭極都有個譜，一返學識到新同學就控制唔到，有冇小朋友都係咁，屋企閉翳太耐，返學變到過度活躍。」

帖文引起熱議，有網民認為港媽需要加強教育，並要求兒子向奶奶道歉；亦有人建議港媽帶兒子去檢查，有機會患有過度活躍症︰

（↓點擊圖片放大↓）

同場加映︰

晴報識食｜前富豪飯堂老師傅主理 中環優雅茶館 嘆手工點心

{{hket:ul-video id="4057"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】