傳內地推「限籍令」｜肥媽將仿傚謝霆鋒放棄外國籍 做藝人牽頭羊：中國籍有保障

中國當局連日整肅娛樂圈，最近網上流傳由國家廣電總局推出的「限籍令」，指部分擁有外國國籍嘅藝人將難以再於內地登台。網上近日廣傳一張「限籍令名單」，寫著「廣電總局出台限籍令，開始限制外國國籍明星」，並指「根據國際法第9條規定，自願加入或者取得外國國籍的，將自動喪失中國國籍，對此國家廣電總局出台了限籍令。」

{{hket:inline-image name="4cc43949021590d68a33c94965ca53bd.jpg"}}{{/hket:inline-image}}

名單共列出9人，包括謝霆鋒（加拿大籍）、李連杰（新加坡籍）、孫燕姿（新加坡籍）、劉亦菲（美國籍）、張鐵林（英國籍）、韋唯一（德國國籍），連台灣歌手潘瑋柏（美國籍）、王力宏（美國籍）、演員趙又廷（加拿大籍）都喺其中，疑係下一波清查對象，但這份名單並未得到中國官方證實。

喺名單之上嘅謝霆鋒，近日接受中國央視訪問，佢表示見到有評論指佢係加拿大人時心裏有啲激動，反問「怎麼會有這個說法呢？」強調自己已申請放棄加籍，謝霆鋒話：「因為我是在香港出生，所以我本來就是一個中國人，其實我也在退掉加拿大國籍，已經在申請了！所以說美食也好、音樂也好、動作電影也好，就真的覺得自己有這個心，或者是這個責任感，去把咱們祖國這麼好的東西傳播給全世界。」

人稱「肥媽」嘅藝人Maria Cordero國籍屬葡萄牙，近年亦有到內地發展，佢表示都有聽聞內地推「限籍令」傳聞，但佢認為對外籍藝人影響不大，自己亦會仿傚謝霆鋒放棄外國籍，亦支持去內地工作，取消外國國籍係正確做法：「我睇到報道話謝霆鋒都取消加拿大籍，我相信陸續每個（藝人）都會做（取消外國國籍）。除非話我真係唔喜歡賺呢種錢，唔喜歡喺呢度住，你喺呢度住，當然係持中國籍，中國籍有保障，有保險、有勞保、有福利，住邊個國家就拎嗰個國家嘅福利。」

同場加映：星格Boss│黎澤恩Ronny疫情下開健身+音樂教室 生招牌吸客 租金高昂未敢諗回本

{{hket:ul-video id="4050"}}{{/hket:ul-video}}