陳敏之感驚訝｜41歲黎諾懿嘆年紀越大越多毛病 自爆十二指腸潰瘍兼尿酸偏高

現年41歲的黎諾懿近日擔任好友陳敏之YouTube頻道的節目嘉賓，自爆年紀越來越大，身體出現不少毛病，最近患上十二指腸潰瘍及尿酸偏高；他更分享對生老病死的睇法，說自己已同太太李潔瑩（Nicole）傾過生死問題，認為太太走先會比較好，因為自己是個可以單獨生活的人；相反對方比較怕悶，但最重要是離開走時無憾及舒服就可以。

{{hket:inline-image name="09082006.jpg"}}{{/hket:inline-image}}

{{hket:inline-image name="09082003.jpg"}}{{/hket:inline-image}}

怕老婆會發達｜黎諾懿自信可全裸 某部位特別靚 老婆囝囝齊跌落海 竟然會咁揀？【下一頁】

陳敏之在節目內提出一個問題，稱是由諾懿兒子「小春雞」黎峰睿提出的，就是快將死時若只能夠打出一個電話會打給誰？諾懿話：「打畀我老婆，因為要交低晒所有嘢，冇可能打畀阿仔，咁冇意思嘛。真係去到咁危急會比較理性啲，會打畀太太交低所有身後事，等佢冇咁亂先，萬一我唔喺度嘅時候……我唔會哭哭啼啼，可能收咗線之後就會。（第一時間會同老婆講咩？）好好哋照顧阿仔……（有冇人照顧老婆？）咁都冇辦法，我同太太經常性會講呢個問題，我身體唔係太叻你知，最近就十二指腸潰瘍……佢成日都會問『老公你唔好早走過我。』，因為我老婆比較怕悶……佢成日叫我一定要長命過佢，我就話盡量啦！」

41歲生日│黎諾懿恨足4年生日如願大豐收 老婆再度懷孕 小春雞準備做哥哥【下一頁】

至於是否真的想太太走先？諾懿直言：「太太走先會好啲，真係，因為佢真係唔係一個好識照顧自己嘅人，係我立場嚟講，佢（個人）係好Fit，但好多嘢我覺得依賴我嘅。我係能夠單獨生活嘅一個人，一個人都悶得，同埋可能自己係（信）佛教，覺得生老病死係必經，只係時間上係邊個先、邊個後，從來唔覺得走係一件痛苦嘅事，只係走時係無憾就得，唔好有遺憾。」

（↓點擊放大睇圖片↓）

諾懿之後分享個人小秘密，自爆身體開始出現很多小毛病，「譬如尿酸、十二指腸，越來越多無聊嘢走出嚟，隨住年紀走出嚟，咁你就會諗係咪要愛惜自己身體。都知道我哋細個真係飲晒啲（酒）quota，耗盡咗啲quota。等如前一日去咗朋友嘅喪禮，去到我哋咁嘅歲數，去婚禮更加少，而家去得多就係喪禮。我覺得係無常，但生老病死又係好正常。所以如果真係畀我揀嘅話，我會揀太太走先，但最緊要係走得舒服就得。」

諾懿接受《晴報》訪問時透露新年食盤菜後引致胃部發炎，短期內不能飲酒，要好好調理好胃部，早期有食藥調理，之後就靠食療慢慢康復。至於尿酸偏高問題？他說：「呢方面不嬲都有，後生時鍾意飲酒冇辦法，加上又食海鮮，所以而家要戒口，唔食花生同枝豆呢類食物。（年紀大多毛病？）筋骨、腰痛，平時撞親呢啲梗會有，要長時間先可以好番。（有「三高」情況？）又冇，惟有努力去keep吓身體，少啲飲酒，多做運動，同埋定期做身體檢查，不過有啲嘢要避都避唔到，盡量去做。」提到公開講太太走先較好，諾懿不怕另一半會不高興，認為生死是好正常的事，只不過是先後次序，大家都不知下一步會如何，只需要做好自己本份，不用太過刻意避忌，至少交代清楚事情，另一半遇上突發情況時也不用慌張。

撰文：梁榮達

同場加映：【娛樂直擊】 Jeremy＠MIRROR單飛出活動嗌緊張手震 26歲生日獲「獨角獸」送專屬生日歌

{{hket:ul-video id="4095"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】