街坊小心｜南豐新邨多戶現可疑踩線符號 門口被劃剔、奇怪伯伯撳門鐘

再有屋苑出現可疑符號！鰂魚涌南豐新邨多個單位居民發現門鐘旁被劃上神秘符號，疑是賊人「踩線」行為，有人更指過往曾有可疑人士撳門鐘「白撞」。屋苑管理公司指已派員到各座巡查及向警方求助，會加強保安工作。

恆安邨劫案｜馬鞍山遇劫公屋大門有「X」記號，拆解賊人「踩線」17個神秘符號，詳情即睇：【下一頁】

有網民近日在Facebook群組「南豐新村居民關注組」中發文，表示同層最少4至5個單位的門鐘附近都被人劃上不明符號，而且位置相若。從上載照片可見，單位門鐘旁或下方被劃上不同可疑符號，包括剔號、一剔一點等，疑似曾經有人「踩線」。

有網民則指經常覺得好像有人嘗試開門，但出門查看後卻沒有人，以為是門鎖損壞遂馬上更換，

「我初初以為係個門壞壞哋，後來我換咗個鎖就冇咗嗰啲聲。我懷疑有剔係代表佢哋開過個門，我個剔後來加咗一點，即是已經開不到嘅意思，有剔嘅人有冇聽過之前門鎖有人擰過嘅聲？」

↓ 點 擊 圖 片 放 大 ↓

此外，有網民透露3至4個月前的晚上8至9時，一名伯伯曾按門鈴2次，事主憶述：

「第一次冇理佢，第二次狂按門鈴，話漏咗啲嘢喺我個單位。我開門問佢邊位，佢話認錯單位，我見冇事又冇理佢。」

不少街坊看到帖文後，指檢查後發現自己或鄰居的門鐘同樣被人劃上符號，留言表示：「我家出面都有」、「非常擔心，多戶都出現記號，為求自保，請大家考慮安裝Door bell cam（閉路電視）」、「差唔多每座都有不同符號」、「謝謝提醒，尋晚即刻睇到我都有，好驚，馬上擦咗」，並建議集體向管理署反映和報警。

警方到場視察 大廈加強保安

有街坊指警方昨日（8日）已到南豐新邨視察情況，該屋苑管理公司萬寶物業亦貼出通告，表示已派員到各座巡查，並向警方求助，指會加強大廈保安措施，呼籲居民注意家居防盜。

{{hket:inline-image name="241269103_10158734540404372_3629361962378300431_n.jpg"}}{{/hket:inline-image}}

前東區區議員魏志豪昨日在Facebook專頁發帖，表示從Facebook和WhatsApp群組收到消息，得悉南豐新邨多座住戶的門鐘被人劃上不明記號，不知道屬惡作劇還是另有目的，提醒街坊多加注意，

「無論是康怡還是鄰近的街坊，出入都請提高警覺。南豐住戶不妨加入相關群組繼續留意消息，甚至作出通報。」

同場加映：

晴報識食｜前富豪飯堂老師傅主理 中環優雅茶館 嘆手工點心

{{hket:ul-video id="4057"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂