《聲夢》演唱會幕後花絮丨張寶兒揀毛毛裙畀Chantel係最潮？ Yumi滿意安排：我好鍾意啲衫

自從「億萬千金」張寶兒（Bowie）榮升人妻後一手包辦老公袁偉豪嘅造型設計，唔多幕前工作嘅佢原來仲「撈過界」做埋造型師，先後為「東涌羅浩楷」利愛安（Kirsten）進行大改造，又為《聲夢傳奇》一班學員擔任形象指導。不過網民對佢嘅品味似乎唔太認同，佢為學員襯嘅衫得到嘅反應都係彈多過讚，網民仲話Bowie未夠班做服裝指導，造成大型「時裝災難」。日前Bowie喺YouTube上載影片，分享《聲夢傳奇》學員嘅畢業演唱會《聲·夢飛行First Live On Stage》嘅幕後花絮同埋自己做服裝搭配嘅靈感。

{{hket:inline-image name="23.JPG"}}{{/hket:inline-image}}

影片中Bowie首先帶大家穿梭演唱會後台，身為形象指導「初哥」嘅佢話今次多得一班有經驗嘅朋友傍住，佢又講到今次學到好多之前唔知嘅後台智慧。講講吓現場突然傳來一把女聲大叫，原來係活潑嘅Yumi，Yumi撐Bowie對鏡頭講：「Hi，我好鐘意我啲衫，咩衫我都鍾意。」

Bowie之後講自己點樣根據學員嘅優點及特質去為佢哋搭配服裝，仲逐一講解服裝背後嘅靈感，例如姚焯菲（Chantel）嘅漸變橙黃色毛毛裙，係其中一條Bowie自己覺得超靚嘅裙，所以好早就已經決定成為其中一件出場衫。Bowie指衣服嘅羽毛設計自2019年開始有好多品牌沿用，仲話呢個設計唔容易handle，如果唔夠可愛嘅話係著唔到呢條裙，而各方都認為呢條裙最啱Chantel。

後來Felix林智樂入到後台，畀Bowie將衣物併上身介紹，Bowie仲大爆對方着咗增高鞋墊，令Felix即刻尷尬阻止，叫佢唔好喺鏡頭前講，非常爆笑。Bowie另外提到今次演唱會用咗好多呢兩、三年DI（香港知專設計學院）學生嘅畢業作品，而呢班學生同聲夢學員都同樣係十幾廿歲嘅年輕人，可以借呢個機會喺舞台上畀大家睇而家嘅年輕人流行啲咩。唔少網民睇完就話好欣賞佢嘅努力同巧思，唔知大家睇完又收唔收貨呢？

Bowie除咗Fashion sense備受爭議之外，佢同老公袁偉豪嘅關係都一直係大家嘅焦點。呢日佢出席活動嘅時候講起投資，就為經常被取笑係「駙馬」嘅袁偉豪平反：「（投資）呢啲好個人，我連老公啲錢都唔敢幫佢投資，蝕咗好對唔住人哋，風險自己孭就好，用人哋錢唔敢。（佢唔投資？）佢好少買股票，佢買樓。」Bowie又透露夫婦分開投資，至於家庭財政方面就分工合作：「屋企方面佢支出多啲，佢其實一直養緊我！」

圖片來源：影片截圖

同場加映： 【娛樂直擊】Jeremy＠MIRROR單飛出活動嗌緊張手震 26歲生日獲「獨角獸」送專屬生日歌

{{hket:ul-video id="4095"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】