【聲明】港生活網站並無進行電話推廣活動

回帶《聲夢》之旅 最感激親人護航 炎明熹讚姑丈周身刀:唯獨個樣唔得

發佈時間: 2021/09/09

無綫歌唱真人騷《聲夢傳奇2》正進行招募,近日找來第一輯學員如炎明熹(Gigi)、何晉樂(Rock)等,分享參賽期間的心路歷程。年僅16歲的Gigi在片段中盡見真性情,問及最感謝的人,她大讚全程照顧她的姑丈肯犧牲兼乜都識,更搞鬼稱︰「做人唔可以咁犀利,會天妒英才!」

無綫「See See TVB」FB專頁日前上載《聲夢》首屆冠軍Gigi的訪問片段,她分享因參賽改寫人生的經歷,又鼓勵年輕人參加《聲夢2》。現為中五學生的Gigi,回想決定參賽,除了因報名費用全免,亦被當時的「太空人」廣告吸引。她說︰「因為喺電視睇到個太空人,起初唔覺得呢個係唱歌比賽,太空人又關唱歌比賽事?好好奇咁我就參加囉,仲係一個咁好嘅機會,到依家都無後悔。」Gigi又透露,參賽時看到其他學員一直進步,反而自己碰到樽頸位,沒想到成功走到今時今日。

刻意加手部動作免冷場

問到在比賽過程中誰最幫得手?Gigi一如所料讚揚姑丈最抵錫。她說︰「姑丈喺呢個比賽入面,為我犧牲咗好多嘢,我發現佢咩都識做少少,但執自己個樣就唔係幾掂。」提議Gigi為姑丈做形象指導,有「火星女孩」稱號的她即大講「火星話」,令人摸不着頭腦:「做人唔可以咁犀利(厲害),會天妒英才,所以佢唯一唔得係個樣。」工作人員戲言不少人讚姑丈靚仔,Gigi只尷尬附和︰「係!靚仔。」短片中,Gigi經常手舞足蹈動作多多,不似過往般目無表情,她笑說︰「我可能知道自己講嘢比較尷尬,所以加啲手勢,令個畫面無咁尷尬!」

何晉樂暫緩結婚大計

另外,《聲夢》五強之一的Rock亦有拍片,Rock說︰「參加完比賽個人自信咗,每樣嘢都盡力做,呢條路一定難,但咁多人幫得手,呢條路唔孤單。」他直認想過「縮沙」放棄參賽︰「入電視台玩比賽係一種,如果想入行唱歌,呢度係一個好好嘅起點。」任職理財策劃的Rock,被問到若無參賽會做甚麼,他說︰「我應該好畀心機返緊工儲錢,想快啲搬出去,有自己家庭,呢個節目令我大計推遲少少!」

撰文︰Steven

美術︰梁政敏

回帶《聲夢》之旅 最感激親人護航 炎明熹讚姑丈周身刀:唯獨個樣唔得

Gigi受訪時舉起大拇指兼笑笑口,一洗cool爆形象。(網上截圖)

回帶《聲夢》之旅 最感激親人護航 炎明熹讚姑丈周身刀:唯獨個樣唔得

Gigi與姑丈感情深厚,每次出騷也有這位至親陪伴左右。(資料圖片)

回帶《聲夢》之旅 最感激親人護航 炎明熹讚姑丈周身刀:唯獨個樣唔得

Gigi上月聯同一眾學員舉行四場《聲夢》畢業騷,當時一票難求。(資料圖片)

回帶《聲夢》之旅 最感激親人護航 炎明熹讚姑丈周身刀:唯獨個樣唔得

Rock自揭參加《聲夢》全因在街頭busking到極限,希望在音樂上尋求突破 。(網上截圖)