【聲明】港生活網站並無進行電話推廣活動

百佳換天竺鼠車車精品 可愛又實用

發佈時間: 2021/09/10

《天竺鼠車車》動畫角色人見人愛,黛安收到風,百佳將獨家推出12款PUI PUI天竺鼠車車嘅居家用品和野餐好物,實用又可愛,想換領就要快啲去百佳購物儲印花喇。

一系列天竺鼠車車居家用品,包括浴室防滑墊、不銹鋼食物盒、雙面咕𠱸和塑料水壺連杯,粉絲喺屋企都可以被佢哋圓碌碌、毛鬙鬙嘅身影包圍,好幸福呀。黛安覺得踏入9月後,天氣稍稍降溫,去戶外攀山涉水最適合不過。而天竺鼠車車一系列野餐必備好物,包括水樽、縮骨遮、一套3款嘅環保購物袋、戶外露營便攜折疊椅、摺疊野餐墊,全部都好易收納,帶埋去露營野餐就最啱喇。

姊妹話,即日起易賞錢會員喺全綫香港百佳超市分店買滿$50,即可獲贈1個天竺鼠車車電子印花,星期五、六、日買滿$250,更可獲雙倍電子印花;星期一至日喺百佳網店購物每滿$50,就有雙倍電子印花,儲夠指定易賞錢積分,更有機會免費換購天竺鼠車車精品㖭。例如會員只需以3,250積分,便可以免費帶天竺鼠車車浴室防滑墊返屋企喇。想知更多換購詳情,可以查閱百佳fb專頁。

百佳換天竺鼠車車精品 可愛又實用

浴室防滑墊

百佳換天竺鼠車車精品 可愛又實用

雙面咕𠱸

百佳換天竺鼠車車精品 可愛又實用

便攜折疊椅

撰文: 黛安 消息特靈八卦公關
欄名: 八卦名利場