【聲明】港生活網站並無進行電話推廣活動

唔認怪獸家長 岑麗香爆大仔用沙冰敷面

發佈時間: 2021/09/10

已是兩子之母的岑麗香(香香)昨日以短裙出席美容店開幕,香香誕下細仔Julius四個多月後,已回復昔日窈窕身形。香香席間大爆兩歲大仔Jacob開始妒忌弟弟,又爆Jacob會拿她炮製的果汁沙冰敷面,認真搞笑。

岑麗香昨日與王馨平及林漪娸到跑馬地出席活動,生完BB後皮膚依然充滿彈性的香香,透露自己平時在家勤力護膚,每個月亦會做兩小時按摩,她又分享自己最近學會剪片︰「我將平時小朋友嘅生活片段剪輯好,然後送畀屋企人睇,因為疫情下佢哋無辦法嚟香港,睇到呢啲片就好開心。」香香大爆兩個囝囝有不少笑料,大仔Jacob更會學自己搽cream︰「有次我打果汁沙冰畀Jacob飲,點知佢攞嚟敷面,原來係佢睇到我搽cream,所以跟住學。」

不捨大仔返學

提到Jacob已入讀學前班,香香指自己會不捨得他離開,所以交由老公送返學,自己則負責接放學。問香香是否怪獸家長?她表示︰「暫時未係,但小朋友性格成日變,我都要不斷調節去配合,不過我最希望培養小朋友乖巧同有愛心。(大仔有無妒忌細佬?)有少少,所以我成日同佢講,細佬係你永遠同最好嘅朋友。」香香又指最近經常抱囝囝致手痛,但認為這是福氣,所以十分感恩。

撰文︰倪小珊

美術︰梁政敏

唔認怪獸家長 岑麗香爆大仔用沙冰敷面

香香的兩個囝囝精靈可愛,十分討喜。(資料圖片)