自認處女 七仙羽公開真名叫趙玲

七仙羽（七師傅）憑ViuTV節目《七救星》人氣旺盛，日前她接受網上節目訪問，敢言的她不但大爆自己真名，更從男團MIRROR中挑選老公、男朋友及一夜情對象，但對於自己年齡，七師傅卻守口如瓶。

七仙羽接受林柏希的網上節目《月傾會》訪問時，揚言從不擔心外籍男友Gerald偷食︰「我錢咁多…我從來唔睇人電話，唔去跟蹤，同埋男人偷食都OK㗎！」七師傅勇於回答辛辣問題，更首度公開身份證及真名「趙玲」，但她不肯透露真實年齡，只答是「永遠的18歲」；最爆的是她表示仍是處女之身，「冰山」未被攻破。

提到要從MIRROR中選出老公、男朋友及一夜情對手，七師傅選姜濤做老公︰「因為佢係處男，我係處女！」她選陳瑞輝（Frankie）做男友，貪對方靚仔；而一夜情對手則是江𤒹生（AK）︰「因為AK令到人產生到慾念，好陽光，皮膚又好黑，手瓜好強壯！」

睇好P1X3L爆紅

另外，七師傅在《七救星》中向男團P1X3L賜法號「OMG」，並合作出新歌《Oh My 7 God（feat.七仙羽）-JNYBeatz Remix》，一起共舞拍MV，師傅更以觀音造型上陣，為P1X3L加持。她睇好組合會爆紅︰「無論你哋叫Facial又好，Puzzle又好，都無問題！」

撰文︰Iris

美術︰梁政敏