【聲明】港生活網站並無進行電話推廣活動

曾酒後跌落坑渠 黎諾懿爆鄭伊健手執醉酒片

發佈時間: 2021/09/10

黎諾懿前晚錄影無綫節目《醫醫,我不想再病了》,諾懿年初患上十二指腸潰瘍,雖然他已戒酒大半年,但就自爆年少輕狂時經常飲至「斷片」,酒後又會不停講英文,他更透露好兄弟鄭伊健掌握自己不少酒後失儀的「黑材料」。

黎諾懿、丁子朗、陳曉華等前晚錄影節目,身為主持的諾懿表示,節目會探討常見的都市病,他笑指自己已「全中」頭四集的主題,包括尿酸、胃痛、血壓高等,今年初更試過十二指腸潰瘍。諾懿否認自己財多身子弱,並說︰「我已經聽醫生講大半年無飲酒,但完全唔飲又無晒人生樂趣,惟有淺嘗。」喜歡飲酒的諾懿,竟直言最愛「斷片」的感覺,更不介意被「執屍」,他笑稱︰「可以畀富婆執到就好,唔使做!」他更自爆過往多次飲醉酒,要勞煩好兄弟鄭伊健送他回家,「唔係我酒量差,係佢酒量太好。」

太太讚醉得可愛

諾懿表示自己醉後會不停說話和講英文,問他可試過醉後失儀?他笑謂︰「我唔會講粗口,太太都話我醉得可愛。但有好多片喺伊健手上,我試過跌落坑渠,又試過喺隧道探頭出車窗狂嘔;初初識我太太嗰時,伊健已經將呢啲片畀佢睇,仲問佢使唔使搵個第二個男朋友。」

另外,有份擔任本周日港姐決賽司儀的丁子朗,直言看好笑容甜美的⑮梁凱晴,又指⑱莫韻諰的身材好,令人有幻想。提到張學友將擔任表演嘉賓,丁子朗表示十分期待,亦不擔心受颱風影響,他說︰「一次打兩個風,證明係好日。」

採訪︰倪小珊

美術︰梁政敏

攝影︰林良明

曾酒後跌落坑渠 黎諾懿爆鄭伊健手執醉酒片

丁子朗和陳曉華在節目上分享健康心得。

曾酒後跌落坑渠 黎諾懿爆鄭伊健手執醉酒片

鄭伊健(資料圖片)