聲夢傳奇｜冼靖峰曾落敗感氣餒不敢再參賽 靠一人鼓勵再追夢：佢好想我成功

無綫真人騷《聲夢傳奇2》現正進行招募，近日就找來在第一輯取得總排名第四名的成績的冼靖峰（Archie）幫手做宣傳，並分享參賽期間的心路歷程。23歲的Archie原本在銀行工作，一直向公司請假參加比賽。而在《聲夢》畢業後，Archie決定離開銀行，專注發展歌唱事業。

{{hket:inline-image name="archie3.png"}}{{/hket:inline-image}}

同場加映：【專訪】聲夢傳奇│炎明熹與父母分開生活促獨立 「長時間冇見面感情總會爭少少」

{{hket:ul-video id="4121"}}{{/hket:ul-video}}

聲夢傳奇│冼靖峰名校出身不認為贏在起跑線 棄高薪尋夢：咁先係人生勝利組【下一頁】

Archie被問到覺得自己與參賽前的自己有甚麼不同？他笑言：「樣唔同啦、心態唔同，嗰陣時係玩吓玩吓，未覺得比賽係咩一回事，又或者覺得要喺音樂或者唱歌方面做到啲乜嘢。咁但係到而家真係完咗比賽，開埋演唱會，出到嚟就會覺得好想真係做到一啲自己嘅音樂。」

{{hket:inline-image name="archie4.png"}}{{/hket:inline-image}}

對於未來方向，他就表示：「因為始終都係冇咗個比賽光環啦，出到嚟唔會再翻唱其他人嘅歌，都係會想盡快做自己嘅歌。想快啲係自己嘅歌入面加入一啲大家可能都會少聽嘅元素、曲風。」

{{hket:inline-image name="archie5.png"}}{{/hket:inline-image}}

Archie又指如果冇參加呢個比賽，自己會仍在銀行工作，「係銀行做緊Management trainee（管理培訓生），咁就準備升職！」不過他亦無悔參賽，因為玩比賽時身邊好多同事都為他加油。他更特別鳴謝一個人鼓勵他追夢，「有一個manager，佢真係幫咗我好多，佢本身好多嘢要我做，但佢幫我做咗。佢同我講話佢喺我呢個歲數都想玩音樂，好鍾意彈結他、作曲同寫歌、但喺嗰時就係冇勇氣踏出嗰一步；今日佢見到有個人有勇氣踏出嗰一步，佢好想我成功，想成全我。」

在2019年，Archie曾參加ViuTV的《全民造星II》，於60強出局。他直言曾經輸過、失敗過令他灰心，對再次報名參賽卻步，「覺得再次踏上呢個舞台要好大嘅勇氣，要再去挑戰自己，再去被人話點解你失敗咗要再嚟多次，亦都會被人challenge（挑戰）究竟你係呢段時間有冇進步，一開始係最驚呢樣嘢。」

不過最後他亦突破了自己，「如果我今日放棄，就同我之前輸咗比賽嘅時候放棄自己一樣，即係冇進步過。我就下定決心要改變，好快就去學唔同嘅嘢，真係大膽試之後又ok喎。」

{{hket:inline-image name="220216983_404301544352612_1976716044751811517_n.jpg"}}{{/hket:inline-image}}

聲夢傳奇｜Chantel親解拍片爆喊真相 平常心參賽：唔入都可以參觀吓TVB【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】