PetPet星｜容天佑曾被狗場呃錢無阻愛心 助養內向唐狗佩佩：好想保護佢

無綫藝人容天佑係「狗奴」一名，一直都好想領養狗狗嘅佢，由於屋企環境唔許可，因而選擇去狗場助養狗仔。佢直言助養唔係一件易事，更曾經被狗場呃過，不過愛心滿滿嘅佢並無放棄，最後喺幾個月之前，佢遇上8歲嘅唐狗「佩佩」，更希望之後可以帶佩佩返屋企。

{{hket:inline-image name="322.jpeg"}}{{/hket:inline-image}}

同場加映：星格Boss│黎澤恩Ronny疫情下開健身+音樂教室 生招牌吸客 租金高昂未敢諗回本

{{hket:ul-video id="4050"}}{{/hket:ul-video}}

【迷網】容天佑終良心發現自爆情騙高海寧 背住跳海一幕多次NG重拍受傷【下一頁】

容天佑表示因為本身好鍾意狗仔，所以加入咗好多facebook嘅流浪狗群組，睇吓可唔可以領養狗狗。但佢表示曾經被某一狗場呃過：「之前去過啲狗場，地址比較偏遠，主理人都抗拒我哋入去觀察環境。我哋一直都係靠信息溝通，知道佢哋需要改善環境同買食物，所以就有捐錢畀佢哋，但都只係會畀銀行户口叫我哋入數捐錢。但再問更多關於狗場嘅資訊時，佢哋都唔願意講。」

後來容天佑從朋友得知，原來真正幫助流浪貓狗嘅場主一般都好歡迎熱心市民去參觀，「最好就落手落腳幫手照顧吓添。」後來佢同該狗場場主聯絡，表示自己想去參觀，但對方一樣拒絕，「佢慢慢就唔係點回覆，之後我仲被人block埋添！」

{{hket:inline-image name="104377161_830941337312755_8602596940652826316_n.jpg"}}{{/hket:inline-image}}

經一事長一智，容天佑之後親身去觀察咗另一間狗場環境，最後決定助養「佩佩」。「嗰間狗場原本有二百幾隻狗，佩佩唔係特別出眾嘅一群，係被另一間被迫關閉嘅狗場送過嚟。佢比較內向，成身傷痕，條脷冇咗一忽，明顯係比其他狗欺負；但性格好乖，好想保護佢，所以最終選擇咗佩佩。」

容天佑指佩佩係佢人生中第一隻助養嘅狗，兩人雖只相處了數個月，但容天佑已經有難忘嘅回憶。「我記得第一次帶佩佩去街，係去游水，原來亦係佩佩人生8年中第一次正式去街，佢好驚，但好快就同我熟絡咗，我陪佢游水，佢仲不斷掙扎。雖然成身損晒，但沖完涼見到佢第一次感受冷氣，第一次沖涼，第一次笑嘅樣，係我人生中永遠不會忘記嘅畫面。」

佩佩而家住喺流浪狗場，容天佑話自己大概兩個星期會去探佢一次，希望之後可以一星期探佢一次，但最終都係想接佩佩返屋企。「希望可以盡快搬去一啲可以適合養狗嘅地方，盡快接佢返屋企。」不過佢亦話助養咗之後，狗場都會keep住將佩佩嘅情況同相片send畀佢；佢亦都會捐物資畀狗場，例如尿片、狗糧等，真係好有愛心呀！

{{hket:inline-image name="321321.jpeg"}}{{/hket:inline-image}}

【萬千星輝賀台慶】容天佑負傷表演再拗柴痛到跪低 做針灸休養3個月朋友做柴可夫 【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】