輝哥為食遊IV│江碧蕙腎病陷低潮患上抑鬱症 為生BB三年內做九次試管嬰兒

香港首位女騎師江碧蕙近日接受《輝哥為食遊4》的訪問，兩任丈夫均是法國人，江碧蕙特別帶主持吳錫輝享用香港的法國菜，兩人一邊歎一邊分享傳奇事跡。江碧蕙稱由於兩任丈夫都是法國人，曾經住法國一段時間，所以經常會接觸到法國菜，「我現時丈夫做全素者已經兩年，我有兩個小朋友，煮餸就要多花款又要夠營養，我哋成日都喺屋企煮。」她表示自己愛入廚的性格都感染到大仔，外國長大的大仔12歲已經開始煮飯，其他同學仍在食微波食物，她引以為傲：「佢而家係宿舍嘅小廚師。」

輝哥為食遊IV｜蔣志光尊重每個角色從沒Hea演 感激李司棋點醒：要做到好為止【下一頁】

{{hket:inline-image name="241491308_4413317332090491_7914785564613902509_n.jpg"}}{{/hket:inline-image}}

輝哥問到江碧蕙當年為何在高峰期突然引退？江碧蕙娓娓道來背後的辛酸史，「其實係結婚後，有一次晨操時意外跌落地，可能撞傷內臟。我習慣每日都上磅磅重，由第一日重3磅，到第二日又重3磅，突然3日之間重咗10磅，我起初以為有咗，但有咗都唔會重得咁快。」她表示後來睇醫生才發現原來是「腎臟病變」，將腎的功能全部調轉，她說：「將我營養排走晒，毒素留喺身體入面，醫學上都冇得醫，無了期，藥物只能用類固醇。大家都知，運動場上類固醇係違禁品，由第一日知道呢個病開始，就唔可以再跑馬，咁就已經14年喇！」

由熱愛策騎突然要停下來，江碧蕙坦言剛剛結婚不久，由事業最高峰跌到谷底，當時有3個月時間陷入抑鬱症當中，「5呎1吋高，我當時只剩80磅，照鏡越嚟越唔似一個人，一路唔開心一路瘦。因為貪靚，後來用一個月時間升番10磅。其實我諗同唔諗個病都繼續喺度，點解要話畀人知我係病人？冇人會估到我食14年類固醇，話畀你知有咩用？你幫到我啲咩呢？最幫到我嘅，就係當我係一個正常人、普通人。」

《輝哥為食遊》吳錫輝咳到瞓唔到決心戒45年煙癮 大仔讀寫障礙無阻考入港大做生意【下一頁】

江碧蕙坦言自己很喜歡小朋友，一心打算35歲前可以生四個小朋友，有兒有女，可惜因為這次的腎病，令她生育的大計打亂，她說：「生小朋友出問題，試咗一段時間唔成功，就走去做試管嬰。辛苦嘅，3年做咗9次，最後一次有咗我大仔，而細仔係兩年之後天然懷孕，上天畀我嘅！坦白講，食藥期間兩次懷孕，其實都係博，停藥萬一有咩事，有機會流產！」

輝哥大讚江碧蕙非常勇敢，求子過程艱鉅，經歷人生大大小小的苦中苦，實在令人佩服。江碧蕙表示現時繼續教小朋友或慈善團體騎馬，她回首過去，認真地表示自己沒有入錯行，「人生好多起起落落，好多事發生咗你冇得逃避，唯有搵方法令自己以正面態度去面對，每一部分都充滿挑戰性，直至而家有種打不死嘅感覺。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

 

責任編輯：楊安莉