【聲明】港生活網站並無進行電話推廣活動

麥當勞火辣派對 新推兩款脆辣雞腿飽

發佈時間: 2021/09/13

鍾意食辣嘅朋友仔留意喇,麥當勞再度聯乘韓國人氣品牌不倒翁,今日起推出「地獄脆辣雞腿飽」,酥炸激辣雞腿肉加上不倒翁勁辣醬,夠晒惹味。再度加推嘅仲有「菠蘿脆辣雞腿飽」,脆辣雞腿肉加上清新嘅原片菠蘿、蛋黃醬同生菜絲,拼湊出獨特風味。

各款超值套餐都可以優惠價8元升級「大大啖組合」,包括全新「大大杯熱情果梳打茶」及增量裝「脆薯皇」。黛安最鍾意嘅「香芋批」同「熱焦糖新地」亦會同步登場。

麥當勞App用戶今日起憑App內嘅優惠券買「地獄脆辣雞腿飽」或「菠蘿脆辣雞腿飽」超值套餐,即可享減3元優惠。現有ZA Bank用戶今日起用實體ZA Card或Apple Pay喺麥當勞餐廳或App單筆消費滿40元或以上,亦可享11元回贈。

撰文: 黛安 消息特靈八卦公關
欄名: 八卦名利場