直播王丨花姐模仿參賽者鏡頭前扮Cute 《#後生仔》寶珊獲讚有觀眾緣

直播平台Uplive與ViuTV合辦的選秀真人騷《直播王》，由蔡瀚億（BabyJohn）和陳俞希（Hailey）主持，而人氣男子組合MIRROR和「宇宙天團」ERROR經理人花姐（黃慧君）、林奕匡（Phil）和張紋嘉（Crystal）則擔任評判。在昨晚（12日）播出的一集以「越睇越想食」為主題，成功殺入6強的參賽者分別有曾參與《#後生仔傾吓偈》的「細孖」寶珊、Luker、Max、Kiki、心心和Jim。他們分開三組進行「吃播」，要花盡心思想出一個能夠吸引大家的「吃播」。

同場加映：師傅愛你丨七仙羽驚艷客串演出MV 送9條毛助「鬼王」潘紹聰財氣

{{hket:ul-video id="4089"}}{{/hket:ul-video}}

{{hket:inline-image name="32.jpg"}}{{/hket:inline-image}}

{{hket:inline-image name="51.jpg"}}{{/hket:inline-image}}

6強分組賽中，A組為寶珊和Luker、B組為Max和Kiki、C組為心心和Jim。Jim和心心已表明他們這一組的食相不吸引，心心耍手笑說：「通常啲人見到我食唔落，因為見到我食到咁肥，啲女仔就會覺得，我都係食少啲，唔想好似我咁肥，但係我食嘢係開心。」Jim即說：「我知，我知，食嘢係開心！」至於Kiki和Max就想到在10分鐘內食炸雞，而Luker認為要以浮誇方法去演繹。

#後生仔傾吓偈│孖妹齊齊離巢TVB倒戈入ViuTV 大孖寶君挺8個月巨肚狂舞入圍【下一頁】

{{hket:inline-image name="3.jpg"}}{{/hket:inline-image}}

花姐打造MIRROR和ERROR成為超紅偶像，所以面對B組的Max和Kiki時應該沒有甚麼難度，不過花姐竟然說：「我最驚你哋呢隊，因為我上次睇你哋嘅表演，我最驚人哋冇內容，跟住就玩可愛，而本身都唔可愛，今日教你哋咩叫可愛，一個唔可愛嘅人教人哋可愛。」Kiki則認為每個人都有可愛的一面，花姐於是面對鏡頭裝作可愛樣子說：「Hello，我係花花！」她變回正經的樣子續說：「搞唔掂啦，係咪呀？我唔會咁樣講嘢，我覺得我唔係咁樣講嘢，就會覺得佢哋咁樣講嘢就係扮嘢，但我知你（Kiki）唔係。我點樣訓練到我嘅女團咁樣講嘢，但大家都鍾意？」最後，花姐向兩人教路，認為以聲音做吃播是最吸引大家之處。

{{hket:inline-image name="52.jpg"}}{{/hket:inline-image}}

其實在準備過程中，各組都出現一些小插曲，例如寶珊和Luker在直播前，十分擔心廚房內的無線網絡信號連接問題，後來Luker想到將直播地點由廚房移師到樓面，他們以「國寶鴨」和「大煎堆」作為吃播，花姐說：「我覺得有機會贏，但贏嘅唔係佢哋，係隻鴨囉！」至於心心為了直播，花了500元買耳環作道具，Jim似乎對此有點微言：「佢出發點係好，但我接受唔到。」最後兩人以食檸檬作為吃播主題，Jim一句：「食之前要加啲嘢，就係『加油』喇！」幾位主持和評判都忍不住「笑咗」，花姐事後說：「佢啲爛gag，爛得嚟又幾好笑！」

{{hket:inline-image name="35.jpg"}}{{/hket:inline-image}}

{{hket:inline-image name="37.jpg"}}{{/hket:inline-image}}

{{hket:inline-image name="38.jpg"}}{{/hket:inline-image}}

{{hket:inline-image name="39.jpg"}}{{/hket:inline-image}}

{{hket:inline-image name="40.jpg"}}{{/hket:inline-image}}

{{hket:inline-image name="41.jpg"}}{{/hket:inline-image}}

Jeremy@MIRROR同日生日｜Edan勁夠薑po花姐「黑圖」賀生日 姜濤跟機二連擊 壽星：你放過我啦！【下一頁】

之後，Hailey宣布三組進行「吃播」的票數，A組有15票，B組得29票，C組獲55票，由於新賽制規定低分的兩隊需各淘汰一個成員，於是來了一個「殘酷一foul」。寶珊說：「你哋好衰，賽制越嚟越殘酷，知道要每組淘汰一個，即係唔係你死就我亡嗰種感覺。」花姐突然向寶珊和Luker示意：「如果你哋有權選擇我揀邊個，你哋指出，我究竟留邊個。」雖然寶珊選擇了Luker，而Luker亦揀了自己，但最後Luker被淘汰，Phil說：「我覺得寶珊有觀眾緣，同埋佢處理成件事係好啲。」花姐亦認同了寶珊可以繼續留低，至於另一個被淘汰者是Kiki。而留低的4位參賽者，下集將會迎戰4位踢館參賽者。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】