四十二章經│周嘉洛劇接劇未返《愛回家》 未知金城安多個妹 Bonnie移情？

周嘉洛昨晚完成《2021香港小姐競選決賽》的司儀工作後，今日又馬不停蹄出席新劇《四十二章經》開鏡拜神儀式，見嘉洛全程精神奕奕，果然是25歲的「小鮮肉」年輕人！提到他擔任司儀時穿上三角泳褲加魚網裝，若隱若現，全程十分尷尬不敢亂動，他笑言：「相信概念係向陳百祥先生致敬嘅，不過丁子朗就似啲，因為佢白色喱士又透視，加上藍色泳褲，我都係睇番叻哥張相，先知係似到咁。我個造型低調少少，真係幾怕醜，綵排時先知要著，為咗效果冇辦法，硬著頭皮都照做，不過喺台上就唔敢太多郁動，就好似獵物咁，越少郁動就越唔會被人留意到。」

{{hket:ul-video id="4150"}}{{/hket:ul-video}}

2021香港小姐競選│丁子朗周嘉洛三角泳褲加魚網裝 網友彈肉酸：向陳百祥致敬？【下一頁】

{{hket:inline-image name="f760595d-9436-472d-8943-27fc26911db1.jpg"}}{{/hket:inline-image}}

{{hket:inline-image name="443b1b63-809f-4545-b61d-e9fe15b78796.JPG"}}{{/hket:inline-image}}

{{hket:inline-image name="c06379b8-3638-4c7a-99c0-4f8610f7b7cd_600.jpg"}}{{/hket:inline-image}}

嘉洛剛剛完成《痞子殿下》的拍攝工作，緊接就要開拍《四十二章經》，他表示不辛苦，反而好開心有學習機會。「今次角色有少少特別，係少少雙重人格，今日呢個只係其中一個造型，其他就賣個關子先，我會盡力用僅有時間做足功課，希望可以為呢齣劇準備充足。」他表示劇與劇之間不足兩星期時間，未能短暫返「娘家」《愛回家之開心速遞》玩玩。

提到《愛回家》角色金城安經歷了不少大事，先是因為潮偉（袁文傑飾）發現有個親生女，金城安的媽媽熊尚善（滕麗名飾）已經接受她，變相金城安會多一個「哎呀」妹妹。而劇情預告所指，明晚一集「好女兩頭爭」中，金城安的女友Bonnie（林凱恩飾）將會陷入兩難，事關池富見Bonnie「獨守空幃」，希望可以拉埋囝囝池子孝同Bonnie成一對，不過熊尚善見此，聯同熊家上下極力阻止，為金城安落力維護這段感情。嘉洛表示：「多咗個妹就聽過，不過Bonnie呢單就唔係啩？我都未收到風，冇辦法啦！鬼叫個男朋友成日唔喺度咩？我暫時都未追得切劇情，希望先為新劇《四十二章經》準備好先，不過聽到Bonnie咁樣，我都要了解下先！」

《痞子殿下》贏友情│周嘉洛劇接劇傳將夥陳豪開新劇 《愛回家》金城安未有歸期？【下一頁】

同場的林景程、鄺潔楹和糖妹的新劇造型都非常浮誇突出，林景程穿上摔跤服，由於衣服太貼令下體激凸，「怕醜仔」林景程左閃右避，他表示起初試造型時有件白底衫打底，監製都表示冇問題，沒想到今日到場突然要除衫，而且毫無準備要穿貼身衣，令他全程非常不安。而鄺潔楹一頭爆炸髮型示人，她表示自己走在潮流的最尖端，笑稱由於爆炸頭太厚，令她兩邊耳朵的聽力受阻，「我喺劇入面識得輕功同埋點穴，所以好多後空翻嘅動作，咁呢個爆炸頭有一半係真髮、一半係假髮，我好驚後空翻時會整斷埋自己啲真頭髮。」

細細粒的糖妹，劇中是武功最高強的一位，其角色是藏身古董店內的老闆娘。她表示：「呢排要拍呢齣劇同《童時愛上你》，我都有少少擔心自己體力同唔夠瞓覺時間。」

{{hket:inline-image name="3429675d-4795-4281-8d39-d1ad754d6214.jpg"}}{{/hket:inline-image}}

鄺潔楹在《四十二章經》的造型。

{{hket:inline-image name="779b6f72-c00e-4a4f-98df-7d6de57e1376.jpg"}}{{/hket:inline-image}}

{{hket:inline-image name="7a716b7b-e194-455e-a487-9494f6ae8eb5.JPG"}}{{/hket:inline-image}}

{{hket:inline-image name="380db32a-df0d-4dce-b0dd-292402c8a4bb.JPG"}}{{/hket:inline-image}}

{{hket:inline-image name="a322f2b6-8aa0-4589-9f7c-3a3953b766c0.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉