MIRROR海港城活動｜姜濤面青青強顏歡笑突然暈低 多人攙扶離開疑嘔吐大作

人氣鼎盛的男團MIRROR幾乎每星期都有個人代言品牌的宣傳，今日9月14日約11時45分，姜濤、Jer柳應廷、Anson Lo盧瀚霆、Edan呂爵安再次現身尖沙咀海港城，出席時裝品牌活動。今日尖沙咀氣溫高達攝氏34度，雖然四人係喺商場內做宣傳，不過著住一身厚重冬裝，嗰種都唔講得笑。

{{hket:ul-video id="4151"}}{{/hket:ul-video}}

大會安排四人約15分鐘影相見面時間，不設訪問環節。他們一字排開，Jer柳應廷手搭上姜濤肩膊擺pose，見姜濤面青青、精神萎靡，不時強顏歡笑。不過活動僅開始約兩分鐘，姜濤突然不支倒地，嚇到現場粉絲尖叫，隊友們同現場十幾名工作人員即時上前攙扶，離場時姜濤更疑似作嘔。

相關新聞：躺著也中槍丨姜濤慘被擺上枱跟張學友比較 訴苦：似乎我只是一個被比較的標籤

約8分鐘後其餘三位成員再次現身，與大家揮手道別，粉絲們大叫「冇事㗎」為偶像打氣，Anson Lo亦回應粉絲「辛苦晒」。現場記者問到姜濤狀況，Edan代答表示姜濤冇事。姜濤今日凌晨兩點曾於IG「限時動態」表示收工，之前再有多則「限時動態」抒發情緒，似乎心事重重，粉絲們都好擔心佢係工作太繁重再加上情緒困擾先造成今次暈低。

事後經理人花姐喺佢IG 「限時動態」報平安，拍姜濤今早有少許胃痛，加上現場環境有啲侷、閃光燈不斷閃，所以有少許腳軟而跣低，而家正係休息當中，並冇大礙，又代姜濤答應大家佢未來兩日會好好休息。