打破嬲爆離場傳聞｜關禮傑笑晒受訪 讚三甲實至名歸 畀關楓馨100分：再磨練 再成功

《2021香港小姐競選》日前圓滿結束，三甲結果為冠軍宋宛穎、亞軍梁凱晴及季軍邵初，而最上鏡小姐就由楊培琳奪得。至於賽前兩大熱門，關禮傑大女關楓馨（Fabienne）及陳聖瑜，雙雙捧蛋而回，令不少人大跌眼鏡。有指關禮傑當晚見愛女「食白果」，嬲爆並急急腳離場，關楓馨在現場解釋爸爸不是失望，只是回家為她準備慶功；事實上關禮傑賽後有接受無綫訪問，見他笑晒口讚愛女打入五強，又認為三甲是實至名歸，未有表現不滿。

{{hket:inline-image name="09141003.jpg"}}{{/hket:inline-image}}

{{hket:inline-image name="09141005.jpg"}}{{/hket:inline-image}}

同場加映：姜濤今晨出席活動 疑體力不支突然暈倒

{{hket:ul-video id="4151"}}{{/hket:ul-video}}

關禮傑在後台接受無綫主播王鎮泉訪問，太太梁安娜（Anna）卻未有出鏡。被問到對大女關楓馨比賽表現的感受，關禮傑：「佢落咗好多努力，成為『五強』已經好厲害；今次對手亦好強，覺得係實至名歸，評判所有眼光都雪亮，佢係再可以磨練，再成功。（作為爸爸給她這晚幾多分？）我梗係畀100分啦，見佢呢幾個月嘅成長，係好值得，亦學到好多嘢。（兩公婆在觀眾席上好肉緊？）一定緊張，今次個氣氛好緊張，亦係緊張先至好睇。」

學霸港姐｜大熱王嘉慧關楓馨擁有碩士學位 獸醫梁菁琳雙重一級榮譽畢業【下一頁】

問到關楓馨在人前淡定又獨立，想要家人支持時會否變得柔弱？關禮傑說：「佢都會問我哋，但覺得真係要享受舞台、享受過程，最緊要係佢而家成長緊，仲有好多嘢要學。佢而家起步得唔錯，繼續努力！」

香港小姐2021｜關楓馨唔認靠爸爸關禮傑拉票 網民評晚裝似樂園「八彩天梯」【下一頁】

關楓馨賽後受訪時形容這晚決賽是個畢業禮，完騷後感覺鬆了一口氣。問到爸爸關禮傑開騷前有甚麼說話對她說？她表示：「都係話做好自己，唔好咁緊張，要輕鬆啲。自己由頭到尾都冇當係比賽，每次踏上舞台都想製造一個好靚嘅騷畀大家睇。（爸爸仲緊張過你？）可能少少，始終睇住個女（比賽）會緊張少少，佢應該想我放鬆啲，享受個舞台。（日後想父女檔拍戲？）當然，覺得同爸爸一齊合作，係一件好sweet，好難得嘅事，如果有咁嘅機會會好好珍惜。」關楓馨雖然輸給梁凱晴（Carina），不過亦有在網上分享二人合照，恭喜對方獲得亞軍之餘，又指Carina是她心水三甲之選。

（↓點擊放大睇圖片↓）

網民對關楓馨落選有不同意見，有人認為她被星二代之名所累，「跟靚湯（湯洛雯）一樣太冤了，史上最可惜的兩位。是不是不用冠個星二代之名，更容易入三甲」、「拿獎了肯定被罵靠關係，拿又不是，不拿又不是」、「希望TVB快點捧關關（關楓馨），樣子靚氣質好笑容又甜美，生得像溫碧霞拍古裝應該都會好靚」、「多少港姐後幾名比前三名發展好，參選只是第一步，得不得獎不重要，關鍵看無綫後期怎麼捧你了」。亦有人指關楓馨入到五強已是最好結果，若果得獎又會被話是靠關係，而賽後關禮傑的對答亦獲讚得體，「其實五強真的是比較合適的結果，如果名次太低也不好，畢竟她表現也不錯，如果拿獎，又會被說靠父親」、「關禮傑答得好得體，有其父必有其女！一個奬都攞唔到，真係好戥關楓馨唔抵！希望之後可以有多啲機會喺TVB見到佢啦」及「已經贏咗口碑同有觀眾緣！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】