由資深製作人楊紹鴻主持的港台節目《一起走過》，由去年9月做到今年6月，跟拍檔江美儀訪問過譚炳文、張衛健、米雪、寶珮如、盧海鵬及鄭伊健等多位藝人，為聽眾帶來不少歡樂時光，收聽率高企。楊紹鴻最近從泰國返港，此行不單止為演唱會及劇集的工作做準備，更是為新一輯《一起走過》進行錄音，日前他跟新的主持拍檔寶珮如開會，期間透露不考慮將《一起走過》變成長壽節目做下去，打算見好就收。
同場加映：自認壞爸爸│黎諾懿入行18年明白機會莫強求 見MIRROR興起籲無綫勿故步自封
港台《一起走過》即將載譽重來，新一輯擬於10月底或11月頭播出，楊紹鴻笑言開第二輯與他無關，全因嘉賓們分享的內容夠動聽，「上一輯要好多謝聽眾支持，聽講收聽率唔錯，所以我哋就做第二輯。（為何由寶珮如接替江美儀？）因為佢要拍劇。」在旁寶珮如抵死插嘴：「唔用佢囉！飛起佢囉……呢個係我講笑亂噏！都要多謝江美儀姐姐，佢好似唔得閒，檔期唔夾；我亦要多謝楊總，佢係我第二個伯樂，佢可以諗起其他人（擔任拍檔），但冇喎，第二時間就諗起我，所以我成為佢嘅拍檔。」
一起走過│安德尊Keep住條盲腸足足29年 被問「慾海肥花」戀情竟然咁答？【下一頁】
談到由受訪嘉賓變做節目主持人，寶珮如話：「其實我仲有好多嘢傾，而家做埋主持更加好，再同佢深入了解，哈哈！（開咪靠晒對方？）我好多第一次畀佢，舞台劇、電視劇主題曲、第一次踏足紅館等等，做電台節目主持真係處女作，又係畀咗佢，我好多『處女』等緊佢，哈哈！（不用考慮酬勞？）我哋講心唔講金，抱住學習態度去做，錢只係身外物。」
至於今輯會否有些舊嘉賓再受訪，或者會有新嘉賓例如陳秀雯、汪明荃及劉德華等上節目？楊紹鴻說：「上一次嘅人情卡碌得七七八八，當然仲有好多老友未訪問，佢哋因為疫情大受影響，若果返到嚟（香港）就會捉上嚟節目，譬如任達華，劉德華，阿姐等。我成日講入行後，阿姐係我最敬佩嘅女藝人，我咁敬佩佢無理由唔嚟㗎！呢次同上次有少少唔同，我希望今次訪問多啲綠葉，好多觀眾、聽眾只係望住個主角，但就忽略咗冇好嘅綠葉去襯托，主角就算點樣叻都冇用，所以今次集中喺大家熟悉嘅綠葉同前輩身上，好似上次……好遺憾炳哥（譚炳文）做咗最後一次電台訪問。另外可能會搵退休藝人做訪問，亦會搵兩代人上嚟，例如石修同陳宇琛、盧偉光父子、夏雨父子等，講吓兩代情及傳承問題。」
夏天拍古裝│寶珮如拍《痞子殿下》捱壞身子 鼻竇細菌感染三叉神經導致面癱【下一頁】
寶珮如希望米雪可以再上節目，原來她私下是超級粉絲，昔日收藏了米雪不少照片。新一輯《一起走過》已請米雪舊拍檔白彪做嘉賓，他們大爆在節目內向白彪迫逼供，問拍攝《射鵰英雄傳》（1976年）時有否追求米雪；而另一位受訪嘉賓黃夏蕙亦笑料百出，楊紹鴻聲稱被對方投訴，黃夏蕙話自己的祖宗十八代也被他挖晒出來講。
（↓點擊放大睇圖片↓）
- {{hket:inline-image name="Image08.jpeg"}}{{/hket:inline-image}}
- {{hket:inline-image name="KSKP08616.jpg"}}{{/hket:inline-image}}
- {{hket:inline-image name="KSKP08629.jpg"}}{{/hket:inline-image}}
- {{hket:inline-image name="rthkfb06.jpg"}}{{/hket:inline-image}}
- {{hket:inline-image name="rthkfb02.jpg"}}{{/hket:inline-image}}
- {{hket:inline-image name="rthkfb04.jpg"}}{{/hket:inline-image}}
追問《一起走過》會否成為長壽電台節目？楊紹鴻表示：「唔會嘞！因為我而家住喺泰國，返嚟香港又要住酒店，生活有出無入，最重要係人情卡碌太多還唔到，我諗呢次係最後一次，唔會再有第三輯！（今次返港仍有其他工作？）有兩個演唱會要做，仲有一個網上節目要做，又傾緊一啲電視劇，希望喺香港電視圈做番啲好嘢。」寶珮如慶幸今次有機會參與，從中學到不少新東西，她指完成新劇《痞子殿下》後，可專心一致做好此電台節目。
場地提供：城景國際酒店
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】