安德尊宋芝齡日久生情踢走正印? 幕前鬥氣幕後撓手頭貼頭糖黐豆

42歲嘅中韓混血兒宋芝齡，參選1996年港姐後入行，近年她成為無綫電視清談婦女節目《都市閒情》及《流行都市》的固定主持，與安德尊（大王）齊齊做「元老級」主持。二人於鏡頭前不時鬥氣，經常打打鬧鬧，一對歡喜冤家非常曖昧！今日二人被影到當街撓手行孖咇，仲不時頭貼頭糖黐豆咁，非常親密。

同場加映： 【娛樂直擊】周嘉洛侷住著泳褲魚網裝找數 劇接劇《愛回家》未有歸期

{{hket:ul-video id="4150"}}{{/hket:ul-video}}

{{hket:inline-image name="220190574_101164362262225_512644925611511609_n.jpg"}}{{/hket:inline-image}}

有指二人遲遲未拍拖，係因為宋芝齡一直斷斷續續有另一半，至近2年回復單身，大王先鼓起勇氣追求。不過另一邊廂大王嘅女助手阿So已經跟咗佢近20年，大王接受車淑梅的電台節目訪問時更暗示好事近，表示希望對方會係佢結婚對象：「總之你儲定人情，不過講真，我唔想結婚，因為適婚年齡已經過咗……」

就拍拖一事，宋芝齡接受訪問時對大王「落閘」，佢指自己同大王平時喺電視城都係咁樣撓手行，有時仲會拖手，同事都慣晒，她說︰「嗰日係去拍外景，架車泊遠咗大家一齊行，順便買炸雞同同事一齊食咋！有新聞出都好，証明我哋幾成功，好開心我可以取代李錦聯！快啲搵我地孖住出job啦！」而過幾日就係大王生日，宋芝齡就話佢自己唔知對方幾時生日，因為大王從來唔會提。至於發展空間，宋芝齡表示同大王「無可能」，要啱啱識先有新鮮感，識咁耐乜嘢火花都冇咁話，又話自己到呢一刻都未有追求者。

圖片來源：INSTAGRAM