《真話的清高》｜炎明熹透露新歌要爆高音有難度 赤腳拍MV無男主角 簡約製作

《聲夢傳奇》冠軍炎明熹（Gigi）被爆今個月20號將推出個人歌曲《真話的清高》，令不少網民熱切期待。繼日前官網推出15秒靜音版本的新歌trailer，全程只見打字機，卻不見女主角現身後；今日（15日）再有13秒的片段推出。這次主角炎明熹終於出場，配上背景音樂，見她手持檸檬踎在馬桶上做戲，之後就坐在打字機後面，用力向半空拋出一疊紙張，任由粉絲去幻想MV內容。

{{hket:inline-image name="09152001.jpg"}}{{/hket:inline-image}}

{{hket:inline-image name="09152003.jpg"}}{{/hket:inline-image}}

同場加映：姜濤今晨出席活動 疑體力不支突然暈倒

{{hket:ul-video id="4151"}}{{/hket:ul-video}}

無綫娛樂新聞台取得這次獨家訪問，為粉絲解開MV部分疑團。炎明熹今次獨自上陣拍攝MV，沒有男主角跟她演對手戲，而片段中見到她以全黑和全白造型示人，大部分時間都很Cool，沒有甚麼表情，亦不見有笑容出現。而最特別的是炎明熹今次以赤腳上陣，還要踎在馬桶上做戲，馬桶湧出不少霧氣，似是以乾冰製造出來的效果。至於其他道具方面，有檸檬、汽球、打字機及光管等，而今次拍攝是在電視城錄影廠進行，製作成本似乎不算很高，看來公司因為想在短時間內為炎明熹推出新歌，所以MV不是太過花巧及花費。

《真話的清高》｜炎明熹Gigi新歌預告得15秒吊粉絲胃口 25號大馬live騷同MIRROR同台【下一頁】

炎明熹自己都無想過咁快有自己的歌，「一聽到公司話畀歌我嗰陣時，我就話『Woo，好多謝你哋，我會唱好佢。』（新歌是本身喜歡的曲風？）係，好鍾意唱呢類型歌，但係非常、非常之有難度，因為其實我個音唔係去到好高嗰種真音，但呢首歌嘅高位，係需要好真高音嘅高音，錄音時都錄咗好多次，都好驚錄唔好。（事前練好多次先入錄音室？）又唔係話要錄好多次，呢隻新歌交畀我時唔係有太多時間，但每次去錄音室都要唱個高音，次次都要唱。（幾時收到新歌？）大概一個禮拜左右。」

（↓點擊放大睇圖片↓）

對於今次不似昔日有《聲夢》隊友在旁分擔演出，加上拍攝MV時沒有對手，只能單憑幻想同空氣對戲，炎明熹話：「都有唔適應嘅地方，如果我哋15個人一齊拍嗰陣，每人可以分啲時間，大家都有個平均時間去做件事；今次最主要係自己，感覺做完呢個就要做第二個。（MV要交戲有無難度？）覺得今次拍MV有個好好地方，就係導演構思畫面係偏向唯美風格，唔要我笑太多，甚至乎冇笑，所以拍得好開心，要多謝導演安排。（仍未適應現場寒冷環境？）因為上次拍奧運主題曲《奪金》MV時，已經體會到錄影廠嘅凍，所以今次做足準備。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】