K11 MUSEA 5款禮品卡 月底前買享雙重獎賞

唔經唔覺K11 MUSEA開業已經兩年，黛安收到風，商場最近首次推出禮品卡，有唔同面值選擇，設計仲好靚㖭。公關姊妹話，禮品卡嘅設計注入K11 MUSEA宏偉建築嘅藝術元素，包括Victoria復古工業吊燈、中庭上方嘅穹蒼Oculus等。過時過節買嚟送畀親朋好友都唔錯啊，大方又得體。

黛安知道，5款K11 MUSEA Gift Card，面值包括$200、$500、$1,000、$2,000及自訂面額（$200至$8,000），可以喺K11 MUSEA指定商戶消費。即日起至本月30日，去買或用呢張禮品卡仲可享雙重獎賞，例如喺限時優惠期內憑K Dollar買呢張禮品卡，或憑電子消費方式買禮品卡兼賺取KLUB積分，又或以禮品卡喺K11 MUSEA指定商戶消費，再兌換KLUB積分。