林盛斌凌空倒吊仔仔網民鬧危險 Bob嫂急解畫：我哋有練過㗎

林盛斌（Bob）同老婆Bob嫂黃乙頤育有3女1子，二人不時都會喺社交平台分享一家六口嘅生活點滴。小朋友個個都唔同性格，而且都仲喺成長當中，可以話係每日都有驚喜呀！而佢哋4歲嘅細仔就最古靈精怪，今日（16日）Bob嫂黃乙頤就喺社交平台分享阿仔嘅新鮮嘢。

同場加映：【娛樂直擊】周嘉洛侷住著泳褲魚網裝找數 劇接劇《愛回家》未有歸期

{{hket:ul-video id="4150"}}{{/hket:ul-video}}

{{hket:inline-image name="168914332_273265667635390_6834031193162394150_n.jpg"}}{{/hket:inline-image}}

Bob嫂留言指囝囝唔肯去廁所，再配上Bob捉住囝囝腳玩凌空倒豎蔥嘅相。雖然睇到囝囝非常配合，似乎有練開，但呢個動作仍引嚟唔少網民激烈反應，留言：「爸爸，你啲無情力會傷到小朋友係唔知㗎，唔肯去廁所係咪要同佢傾，而唔係咁對佢呢？」、「唔肯去廁所，會唔會有原因，爸爸似同佢散骨，好危險」、「似虐兒」、「好危險！」而Bob嫂就話其實囝囝唔肯去廁所並唔係有啲咩問題，只係同佢玩吓，而爸爸咁做都唔係懲罰，叫大家唔使擔心，話呢個動作都唔係突然做出嚟。Bob嫂留言：「其實我哋有練過㗎，你可以放心，我哋慢慢擺返佢落地！」

其實Bob嫂同Bob之前都成日分享呢個仔嘅搞笑軼事，話囝囝就連買件新衫都好有「戲」，日日都畀到好多歡樂佢哋：「呢一個小朋友，好抗拒新事物！每做一件新事、着一件新衫、見一啲新人，佢都會呼天搶地咁樣話唔要；但係當逼咗佢試第一次嘅時候，通常佢都係好開心。」唔少人都大讚佢兩夫妻好有耐性，先可以將4個唔同性格嘅小朋友照顧到咁好。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】