直播爆黃智雯「已婚」 袁偉豪唔認數︰我講笑

袁偉豪（Ben）昨日為無綫劇集《把關者們》宣傳，他細數跟黃智雯曾合作過11次，當中多次飾演戀人，但今次終於「修成正果」。對於曾在直播節目中踢爆智雯「已婚」，他強調自己只是說笑，並指對方沒有嬲自己。

袁偉豪、王敏奕、丁子朗、劉穎鏇等昨日為劇集《把關者們》造勢，Ben表示在劇中與王敏奕是對立關係，兩人不打不相識；而劇中Ben的另一半則是黃智雯，他笑言︰「我同智雯合作咗11次，相戀五、六次，今次終於會做夫妻同生小朋友，係一個突破，好開心我哋『開花結果』。」提到曾在直播節目中踢爆智雯「已婚」，又稱呼其男友做「老公」，Ben強調自己只是開玩笑︰「佢哋拍咗拖咁耐，作為朋友都可以用『老公』稱呼佢啫，智雯都無嬲我。」

劉穎鏇剪短髮受打擊

另外，丁子朗指自己在劇中不用操肌，而最深刻是到海關學院拍攝步操戲份，他說︰「要十幾人做同一個動作，操到好齊真係好難，淨係拍行路都要拍十幾個take。」提到他和劉穎鏇及孔德賢有錯綜複雜的三角戀，丁子朗即封咀，只透露說︰「總之最後係個happy ending，我個角色係戀愛白痴，亦無親熱戲，係好純嘅puppy love。」

至於以短褲騷長腿示人的劉穎鏇，透露當初曾為角色而犧牲一把長髮，她說︰「我將啲頭髮剪到去耳背，由細到大都未試過咁短，都幾大打擊，好驚剪完之後會變包包面，不過因為唔係順拍，所以有幾集戴住假髮，睇落有啲怪。」

撰文︰倪小珊

美術︰梁政敏