【聲明】港生活網站並無進行電話推廣活動

自認變態 鄧麗欣愛將私事公諸同好

發佈時間: 2021/09/17

鄧麗欣(Stephy)入行廿載,她前晚出席電影座談會時竟自嘲變態,原來她喜歡將自己的經歷放在電影中。歌影視三棲的Stephy透露,目前想挑戰演舞台劇,但又怕不斷重複演同一場戲,同場的劉俊謙則笑言︰「做多啲啦!」

鄧麗欣和劉俊謙前晚出席電影座談會,Stephy在會上回顧多年來拍電影的心路歷程,她說︰「自己都經歷咗20年,到依家都係邊做邊學,學習過程必須經歷起跌先會成長;有時都覺得自己好變態,鍾意將自己嘅經歷挖出嚟放入電影。」

而劉俊謙由舞台劇轉戰影視界,他笑言最難適應是要接受訪問。問Stephy可有貼士?她笑謂︰「做多啲,我都做咗廿幾年,時間可以克服一切。」但Stephy直言入行多年,依然不習慣在舞台上表演,她表示︰「我都想挑戰一下正劇嘅舞台劇,但諗到每晚要重複演出就好辛苦,因為自己好怕重複做一件事,唔知能唔能夠勝任。」劉俊謙則「回敬」道︰「做多啲啦!我都做咗十幾年舞台劇。」

單身過中秋唔怕悶

臨近中秋節,Stephy透露會約朋友BBQ慶祝,至於是否有追求者相約?她笑言︰「咁多人約,睇下應該約邊個先,其實中秋梗係陪屋企人啦。」

採訪︰Pauline

美術︰梁政敏

攝影︰林良明

自認變態 鄧麗欣愛將私事公諸同好

劉俊謙透露會與女友蔡思韵過中秋。

自認變態 鄧麗欣愛將私事公諸同好

蔡思韵(資料圖片)