無理取鬧｜女童上學搭港鐵坐上空位 遭霸位大媽喝斥無家教

搭車經常因爭位坐釀成爭執，一位港媽日前在網上大吐苦水，指帶女兒乘搭港鐵上學時，女兒見車廂有空位便坐下，卻被身旁一名女子喝斥「呢個位我要坐嘅」，女兒聞言立即讓出座位，卻被繼續指罵「冇家教」，眼見女兒以為自己做錯事而感到自責，令港媽相當心痛。

同場加映：

晴報識食 | $488食盡六道菜餐目 性價比高 睇片即送「職人の膳」二人份

{{hket:ul-video id="4108"}}{{/hket:ul-video}}

該名港媽昨日（16日）在facebook群組「將軍澳主場」發帖，指當日早上7時帶女兒搭港鐵上學，女兒甫上車見有空位便打算坐下，恰巧座位前方被一位名女乘客阻擋，女兒便禮貌地說聲「講唔該借借」。

女兒讓位後仍被罵無家教

然而，該名女乘客見女兒就座後，突然出聲喝止「呢個位我要坐嘅」，女兒聞言立即起身讓座，但對方未有坐下，反而指罵：

「乜而家細路女咁冇禮貌咁冇家教嘅？」

事主聞言深感不忿，即時著女兒回到座位，並出言辯護：「小朋友讓番畀你，你又唔坐......試問要點樣先有禮貌？先有家教？」但對方仍然窮追不捨，繼續斥罵事主女兒「冇家教冇禮貌」，令事主當場忍不住「火滾」反斥，

「你要坐你唔坐低，小朋友點會知道係你要坐啊？其實一個5-6歲的小朋友仲係好天真嘅，上車見到有位當然想坐低啦，細路女有話『唔該借借』，唔係冇，而且旁邊都有其他人聽到嘅，而你一直係度話小朋友係冇家教，咁我想問吓你點先叫有家教啊？」

女兒以為做錯事感自責

事主補充指，平日女兒會主動讓座予長者，爭執期間亦聽到其他乘客暗暗指摘該名女士斤斤計較，「係度細細聲話幾十歲人同小朋友計較，小朋友咁細個」。她形容因此事而影響一整日心情，年幼女兒亦以為自己做錯事而感到自責，令她相當心痛，

「之後阿女問我，『媽媽點解個姨姨話我冇禮貌冇家教？我係咪唔乖？』小朋友內心好自責。」

網民斥涉事女乘客

不少網民都批評該名女乘客無理取鬧，並稱讚女童有禮貌，著事主不要介懷並向女兒解釋事件，以免留下心理陰影。

（↓點擊圖片放大↓）

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂